由福田口岸點去香港國際機場?

過關後, 到落馬洲站巴士總站乘搭B1巴士(貴, 快)或75小巴(平, 慢)入元朗, 兩架到又新街落, 落車之後過對面馬路轉乘E34巴士到機場, 到一號客運大樓落車, 落車之後旁邊便是一號客運大樓離港層.
(唔好同站轉E34; 同站轉係往天水圍方向)


收費:
B1 現金$12/八達通$13.2
75 $7
E34 $13.9
(若使用八達通由B1轉乘E34, E34嗰程可以有$4折扣優惠, 即收$9.9)


時間:
B1連等車大約25分鐘
75連等車大約35-40分鐘

E34連等車大約55-65分鐘

2014-07-27 21:49:36 補充：
如果你搭E34想有位坐, 搭B1既話, 可以搭多4個站到水邊村先落, 再過對面馬路搭E34.
如果搭75小巴, 可以搭到擊壤路落, 行去元朗廣場轉E34.
水邊村同元朗廣場分別係E34抵達元朗第二/三個站, 比尾站上有更多位, 不過下午繁忙時間無位坐都係正常.

早上繁忙時間就較ok, 因為E34頭班車至08:45班次會分拆為天水圍開出班次(不停元朗)同元朗特別班次, 如果水邊圍/元朗廣場上都會有位既.

車程要多大約6-8分鐘, 來回要多12-16分鐘.


一定有位既話, 可以繼續搭B1去天水圍(75唔到), 到天耀邨耀盛樓先落, 同站轉E34, 不過咁搭法可能蠢咗少少.

行車時間其實2邊都差唔多,不過元朗轉就平D,上水轉就行少D。
之不過元朗轉的話小心繁忙時間E34上唔倒車,始終都差唔多去到尾站。雖然A43直頭係尾站,不過A43無咁驚,因為呢條線喺上水站之前都唔多人上,同279X並列做北區對外線其中一個「神話」

福田口岸過關乘港鐵去上水站 D 出口(車費$21.5)，轉乘 A43 機場巴士直達國際機場客運大樓，車費$29.2；