✔ 最佳答案
依家一手傢俬D價錢真係好蝦人買,係IKEA買個櫃閒閒都講緊過千,有牌子紅蘋果個D更加唔使唸,二三千走唔甩。所以我自從搬左屋後都開始買二手傢俬,質素同一手相差無幾之餘價錢仲平好多,而且都叫做支持環保。
樓上講既北角同屋網我之前都有去睇過,價錢都OK但你要預質素參差。我最近就係朋友介紹下去左間應該係叫接棒循環傢俱之類既舖頭買左張二手IKEA梳發,質素可接受得黎$1000有找,我自己都覺得幾抵玩。特別欣賞間舖頭老闆同員工好有HEART肯幫人,我自己本身除左張梳發仲想買張單人床,但係佢個度睇唔岩心水,佢地好主動提出可以幫我留意將來有無貨岩我,仲俾左其他二手傢俬舖資料我叫我可以去睇下,令我覺得佢地唔係一味想賺錢,而係真心想買我搵到岩我既傢俬,呢點令我覺得真係唔錯~樓主你都可以去下呢幾個地方睇下:)
P.S 為免爭議,個間二手傢俬舖既地址網站詳情我都唔POST起度了,樓主可以GOOGLE下佢個名睇下搵唔搵到佢地,搵唔到你又有興趣既話可私下PM我,希望你早日買到你既心水傢俬啦 ^^