2014動漫節點去,急急急!

選擇 1

圖片參考：https://s.yimg.com/lo/api/res/1.2/0HtP7tEiu4SJZ8e158OPGQ--/YXBwaWQ9dHdhbnN3ZXJzO3E9ODU-/http://m.hketransport.gov.hk/img/rr/time_icon.png
65 分鐘選擇 2

圖片參考：https://s.yimg.com/lo/api/res/1.2/0HtP7tEiu4SJZ8e158OPGQ--/YXBwaWQ9dHdhbnN3ZXJzO3E9ODU-/http://m.hketransport.gov.hk/img/rr/time_icon.png
70 分鐘選擇 3

圖片參考：https://s.yimg.com/lo/api/res/1.2/0HtP7tEiu4SJZ8e158OPGQ--/YXBwaWQ9dHdhbnN3ZXJzO3E9ODU-/http://m.hketransport.gov.hk/img/rr/time_icon.png
50 分鐘

一定要搭西鐵的話, 其實我會建議搭去尖東, 於L6出口步行前往尖沙咀天星碼頭搭天星小輪往灣仔, 旁邊就見到會展 (動漫節場地).
或者你可以行去元朗西巴士總站搭968巴士, 到菲林明道落, 落車之後行返轉頭, 轉右上天橋, 沿天橋一路直行就到會展 (較大可能968嗰邊會多人過經天星嗰邊去).

收費:
西鐵轉船 $19.7(八達通)/$21.5(單程票) + $2.5 = $22.2/$24
968 $23.4

時間:
西鐵轉船－西鐵連等車大約35-40分鐘, 行過去碼頭大約10分鐘, 天星小輪連候船時間大約15-20分鐘
968－行去元朗西總站大約10分鐘, 968連等車大約70-85分鐘 (中環一帶繁忙時間會較塞), 步行往會展大約10-15分鐘


邊度買飛:

指定(無講明)7-11同ok店可以買預售門票.
或者可以喺會展入邊售票處買現場門票 (只可以由968巴士站天橋嗰邊入, 而且經嗰邊又好大可能會打蛇餅).
通常九龍/港島(近灣仔嗰帶)啲7-11/ok只要唔多人就可以買飛, 元朗區就唔知, 你可以去睇下.

otherwise, 你可以前往會展時睇下以下沿途7-11有無得賣:

西鐵轉船:
尖東站內有兩間ok同一間7-11, 尖沙咀天星碼頭有7-11; 落船時, 行天橋過對面馬路就係鷹君中心同海港中心亦都有7-11, 會展樓下就有間ok (未試過嗰度買飛, 不過我諗天星碼頭嗰度應該最多人買, 因為最容易搵)

968:
落車之後照行返轉頭:
- 入灣仔站就有兩間ok, 再經A5出口上返天橋
- 到橋底轉右, 不過唔好上橋, 沿橋底行, 過馬路之後前面就見到間7-11, 買飛之後就可以上橋
- 繼續沿天橋行到入境事務大樓, 有間7-11, 買飛之後可以繼續沿橋行

2014-07-26 18:35:18 補充：
如果搭西鐵轉船過去, 可能便利店買會較方便, 因為其實即場買飛嗰度要行返去地鐵站/968巴士站天橋買.
不過唔知會展金紫荊廣場 (即落船之後) 入口會唔會一樣多人.

而且聽日係星期日, 即場買飛同排隊嗰度可能都一齊爆, you never know in the end...

搭西鐵唔建議西鐵轉地鐵,因為咁仲慢仲煩,而且仲貴,搭到尖東轉船仲快仲平,行得仲小

方法1:搭西鐵到尖東站落車,L6出口出,出去後轉右行上去梳士巴利道文化中心對面,再一路向前,車尾方向行到天星碼頭搭天星小輪到灣仔上去行人天橋過馬路,行過埋灣仔碼頭巴士總站後轉右行到另一條行人天橋,行過去去到樓梯位,落去,之後轉右行到過埋巴士站後轉右入去就到啦!
收費:$19.7(地鐵八達通)/$21.5(地鐵車票)+$3.4=$23.1(地鐵八達通)/$24.9(地鐵車票)
行車時間(#是大約等車時間,%是大約行路時間):#5+35(地鐵)+#12+8(天星小輪)+%5=65分鐘

除左西鐵之外,另外本人都建議一D其他的方法

方法2:沿朗屏社區會堂的行人天橋行上去,向大馬路方向行到近着元朗廣場的巴士總站,有條樓梯,落去,到元朗（西）總站搭968到菲林明道巴士站落車,向車尾行到行人天橋,上去,向告士打道方向行(唔好行錯地鐵站方向),行到入境事務大樓,轉右行另一條天橋到中環廣場,轉左行再另一條天橋到會展辦公大樓,轉右出去有條樓梯,落去後轉右行到過埋巴士站後轉右行入去就到啦!
收費:$23.4
行車時間:#10+55+%10=75分鐘

方法3(用八達通好D):搭68A到屯門公路轉車站轉960或961,960搭到灣仔碼頭總站落車,向車尾行到馬路,過對面,轉左就到啦!961搭到香港會議展覽中心巴士站落車,向車尾行過去樓梯下,轉右行到過埋巴士站後轉右行入去就到啦!
收費:$11.2+$10.3=$21.5
行車時間:#15+30(68A)+#6+47(960,961)+%2=100分鐘

2014-07-26 15:52:12 補充：
買飛方面你可以即場買或者便利店買。不過我建議即場買好。
入去後有2條隊,一條係已有飛,另一條係即場買。上次我行書展就已有飛嗰條超多人排,反而即場買嗰條就無人咁滯,所以我建議都係現場買仲好,分分鐘買完飛另一條隊行左一半都唔知有無