元朗巴士站點去動漫節??fast

元朗巴士站好多, 唔知你講近邊個.
不過你可以搭968巴士, 由元朗西巴士總站開出, 經元朗大馬路 (同樂街、谷亭街)、元朗站 (G2出口行天橋過對面馬路個巴士站) 同新時代廣場對面.

搭到菲林明道落車, 落車之後行返轉頭, 就見到條行人天橋, 轉右上橋, 一路沿天橋行, 再穿過入境事務大樓/中環廣場 (基本上都只係一直直行) 就到會展 (動漫節嗰度).

收費: $23.4
時間: 由元朗西總站起計, 968連等車大約70-85分鐘 (中環一帶繁忙時間會比較塞), 由菲林明道行去會展步程大約10-15分鐘

2014-07-25 00:27:49 補充：
minor typo: 唔知你講[緊]邊個(巴士站)

2014-07-25 01:18:35 補充：
樓下:
68M轉968雖然用八達通平, 不過我就唔太建議, 968去到大欖隧道轉車站未必有位坐 (講真, 就算係非繁忙時間, 淨係總站同大馬路可以坐滿哂成部巴士, 元朗站上可能要企添, 雖然唔會上唔到).
68M轉268B/269B轉船? 268B依家減到星期一至五朝早服務/星期六假日全日半個鐘一班, 269B保持每日全日, 不過減到20-30分鐘一班, 到時968都已經去到西隧口啦.
68X轉281A轉船就更加no way, 要行長沙灣道同彌敦道真係慢到嘔, 衰過968喺中環塞.

你提供既方法價錢較便宜, 不過符合唔到樓主「唔洗成日轉車」要求.

2014-07-25 01:21:56 補充：
再加上68M轉268B/269B或68X轉281A去尖沙咀轉船已經同搭港鐵既轉乘次數一樣.

2014-07-25 15:02:38 補充：
地鐵站嗰邊行去會展好容易啫, 最多都上天橋一路直行, otherwise都係跟人行
其實如果出TST搭船既話, 如果唔係樓主要搭巴士既話, 我寧願直接搭西鐵去尖東再行過去好過, 因為268B服務時段之外, 搭巴士去TST要轉車, 西鐵反而唔駛.

灣仔有兩條路可到會展的,一條是由近灣仔碼頭去.另一條,可在灣仔人民入境用自動扶手電梯到地下,在地下左邊有門口出告士打花園,告士打花園右邊有路出港灣道,轉左是會景閣及君悅酒店,這有路往會議道及博覽道入會展.
黃頁地圖可以查交通路線http://www.ypmap.com/ch/viewer.asp?mapService=LocationMap_c在左上角按[入地點名稱就會替你找出那位置的地址/地圖/等資料.還有在路線,可幫你尋找交通路線?

方法1:搭968到菲林明道巴士站下車,向車尾行到行人天橋,上去,向向士打道方向行(唔好行錯地鐵站方向),行到入境事務大樓,轉右行另一條天橋到中環廣場,轉左行再另一條天橋到會展辦公大樓,轉右出去有條樓梯,落去後轉右行到過埋巴士站後轉右入去就到啦!不過到時又會應該有好多人排隊,又會封路架啦!所以到時睇指事啦!
收費:$23.4
行車時間:(#是大約等車時間,%是大約行路時間):#10+55+%5=70分鐘

方法2(用八達通好D):搭68M到大欖隧道轉車站轉968到菲林明道巴士站下車,再用方法1的方法行過去就到啦!
收費:$10.1+$12.3=$22.4
行車時間:#10+5(68M)+#10+50(968)+%5=80分鐘

方法3(用八達通好D):搭68M到大欖隧道轉車站轉268B或269B到新港中心巴士站落車,向車頭行到梳士巴利道,轉右行到天星碼頭搭天星小輪到灣仔,上去行人天橋過馬路,行過埋灣仔碼頭巴士總站後轉右行到另一條行人天橋,行過去去到樓梯位,落去,之後轉右行到過埋巴士站後轉右入去就到啦!
收費:$10.1+7.3+$3.4=$20.8
行車時間:#10+5(68M)+#20+40(268B,269B)+#12+8(天星小輪)+%5=100分鐘

方法4(用八達通好D):搭68X到旺角鐵路站巴士站落車,向車頭行到亞皆老街,過對面,再向前行到旺角奶路臣街巴士站搭281A到九龍公園徑巴士站落車,向車頭行到第1個街口,轉左行到尾去到廣東道,轉左行到梳士巴利道,轉右行到天星碼頭搭天星小輪到灣仔,再用方法3的方法行過去就到啦!
收費:$14.2+$0+$3.4=$17.6
行車時間:#10+55(68X)+#12+25(281A)+#12+8(天星小輪)+%8=130分鐘

對於方法2-4:星期一至五搭天星小輪會平D,收$2.5,而$3.4係星期六、日及公眾假期的價錢

2014-07-25 12:47:47 補充：
比多個方法啫!同埋我唔知嗰度點封路,跟據我上星期行書展的經驗就係搭船行嗰段路無行得咁多,反而喺另一邊行聽人講又要唔知仲要兜到邊度嚟行

2014-07-25 13:00:48 補充：
同埋喺大欖隧道有3架車揀,到時嚟邊架搭邊架啦!