戀愛問題,望有心人指導

1.雖然男女均可作答,希望多些女仔提供意見!

哈哈, 朋友, 點可以歧視我地D男仔架, 你要追求女生, 當然問男仔好D啦.

2. 第一段, 總括黎講, 佢對你有意, 我都几肯定. 而且另外有一個重點, 恐怕冇几多女仔講得到出黎: 就係, 就算佢有男友, 我好肯定你呢段日子中都有唔多唔少表現出你的關心, 和在意, 女生的心其實好敏感, 佢可能早就FEEL到你的意思, 當然佢有男友係一項重點, 佢冇咁容易俾你知道, 佢其實已經feel 到.
(我好清楚呢點, 男生就是這樣子的生物XD)

3.到底佢係開玩笑,定認真?定係D女仔好玩得,只係我思想古板?

承上題, 佢係認真架, 而且佢覺得已經有足夠暗示俾到你, 我係指借膊頭挨既果件事(而且和答題4有關)

4.佢回應係雖然唔係乜到承受到,但如果轉圈不如直接啲好!

佢都應該係一個好玩得和直接的女生. 至少唔係果D軟弱, 溫柔爆, 好嗲, 好欺負的女生. 而且, 更重要係佢自覺得已經有足夠暗示俾到你, 你仲問, 冇表示.(的確係一個特別既女仔)

5.所以佢係唔係應該知道我嘅意圖?其實佢嘅心態係點?如果用WHATSAPP表達,其實好定唔好?

YES, 佢已經知道你的意圖, 而且已經俾左暗示你.

唔好用whatapps 表達啦, 多D單獨約出來, 找機會拖佢手, 佢冇抗拒, 就搵個sweet D既場合表白. (未拖到手, 就千奇唔好表白啦)

哈哈, 勿謝. 願世間有情人終成眷屬 ^^

2014-07-20 10:28:13 補充：
whatever, 去馬啦, 約人啦, 又唔係叫你表白, 叫你去搵行街食飯之嘛, 得唔得一試就知啦, 估估下有咩用.

自從失戀後,看到路上成雙成對,就格外放閃,嘴巴瀟灑說只是少一個人來愛,但不可否認還是希望可以多多認識新的朋友,
往認真爬文3個月以上,終於找到隱藏在網路中,傳說中的李姐,
在今年3月初就預約來找,果然是口碑相傳,不做廣告的,我排第3次就遇到雙方非常有感覺的,目前是暫停排約,
李姐那邊可以暫停排約1次,會員時間可以展延拉長時間,也在這段時間可以觀察對方.
推薦給有需要的朋友參考

字裡行間都睇得出佢對你唔抗拒,
可能佢都想你直接D, 想你講出你的心意,
不過到底係接受...定係拒絕...就無從估計了

另外, 佢分左手幾耐? 佢準備好新一段感情未?
雖然過去你對呢個女仔有意思,
但有時候都要考慮大家係咪了解對方的性格,
始終你地相處可能多數在公司, 只會見到對方工作、認真的一面,
但兩個人相處需要同甘共苦~
需要了解對方的優點及缺點, 並接納對方~
所以你想開始之前, 都諗清楚大家係咪了解,
如果一個陌生男仔向自己表白, 成功率又有幾高呢???

佢唔介意咪大家WHATSAPP傾下~了解多D先~
在返工的時候又一齊食飯~相處多D~~
到大家相處耐左, 都覺得性格相配,
到時再開始都並非壞事~

希望你早日找到方向~
祝福你~

係咁輕鬆既情況下有可能只係玩玩下/開玩笑,但既然你都鍾意佢而佢又同佢男友散左你可以直接同佢講向佢表白,人生苦短,好難先可以搵到個自己鍾意既人,如果再繼續拖落去既話只會令你同佢相處既機會越尼越少,如果你表白左至少有50%機會,但唔表白就一定無機會了.又或者咁講,唔好理佢係玩定認真,就算佢玩又好認真又好你都係鍾意佢架嘛,你唔會因為佢玩/認真而唔鍾意佢.既然鍾意人就講吧.你可以約佢食餐飯然後乘機表白,但如果拒絕既話有可能連朋友都做唔到,列點要注意.佢應該知你既意圖,佢始終係女仔點都唔想自己表白先,你係男仔就要踏出第一步,不然機會就會白白錯失了.本人認為你應該約佢食餐飯(兩個人)然後再向佢表白.總比用whatsapp表白好,用whatsapp表白本人覺得好似好無誠意咁,而且連請女仔食餐飯都唔肯佢又點會對你印象好呢?所以請佢食餐飯吧,列d餐唔慳得的.祝你表白成功.

估估下不如實際行動

你買二張戲飛贈券(沒日期的)問她有沒有興趣看?
但要肯定她不討厭入戲院

或是二張自助餐贈券(在她住的附近餐廳食)

如果她說沒時間或下次先，你就知她對你沒意思。
如果她問為什麼找她，你說她比其他人感覺舒服開心。

用WHATSAPP表達，對成年女性可能會有反感

我係女士，我的分析係佢對你無嗰種意思，分析如下︰
(1) 她本身的人算係"開放"，她有男朋友都可以用言語吃你豆腐，她有沒有想過尊重自己的男朋友？
(2) 如果她吃你豆腐時已對你有意思，她怎麼會又有咗男朋友？
(3) 作為女性，收到自己鍾意的人的Whatsapp只會開心和希望繼續有機會傾落去，不會對你說"有咩事"之類的話。尤其是"開放"的女仔。
(4) 你唔係古板，你係唔隨便的男生，好好珍惜自己的感情，不要亂丟給那種換男友如換衣服的女生那裡。
(5) 你要細心地觀察她的人品和性格，她的"愛情價值觀"，她如果是喜歡你，不會那麼快變心的，她如果因為"有人向自己表白"或"有人喜歡自己"便一腳踏入戀愛關係，那麼，她只是一個自我價值低，只想找人"陪"自己玩，和怕寂寞的女人。如果這種女人是你想要的，你就進攻吧﹗
(6) 你問下自己鍾意佢咩嘢？她是否值得你追求？你鍾意呢種隨便開玩笑的女仔還是尊重男人，溫文有智慧的女生？
(7) 你是否已經準備好自己進入戀愛和婚姻？如果未準備好，就先增值自己，了解自己。

希望對你的決定有用﹗