夾band的話電結他定bass好

結它有木，有電，還有電木結它，一般六條弦，由低至高音：EADGBE。
BASS一般四條線：EADG，同結它頭四條線一樣，但低八度。BASS格仔闊D，隻手上上落落比較多。
一般BAND電結它會有兩支：一支掃CHORD，一支玩LEAD SOLO。
夾BAND時，99.999％ 時間都唔會有BASS SOLO。 所以如果你表演慾較強的話，應該選電結它。電同木結它指拉一樣，學幾個CHORD就可以自彈自唱，你一個人都可以玩得好好聽。
BASS係好重要的綠葉角色，基本上一定要同其他人夾（或者放音樂來夾），自己一個人玩，會悶死你。BASS控制隻歌既節奏。因為和弦來來去去都係果幾個，玩熟幾個PATTERN，再加一兩粒過渡音，已經完全攪掂成隻歌，唔洗死練SOLO。
BASS係單音，一個BAR通常彈兩三粒音，電結SOLO果時，可以玩到天花龍鳳。唔洗我講，你都知BASS容易D啦！價錢兩樣差唔多。結它掃CHORD，比較無咩特別要求，只要熟D位（轉CHORD要快）就OK。而且可以跟譜彈。BASS則要自己識加D過渡音，要有D音樂感同底子。最難係LEAD SOLO，出面好少譜，大部份要自已執。
如果你乜都無，乜都未學過，平平地買支木結它玩下先囉。
至於作曲，同樂器係無關的，用把口都可以作啦！

hi

其實學結他or bass 你可以考慮對邊樣樂器既音色感興趣

樓上講既,表演慾強比較適合電結他都岩的

經濟方面,其實2者的成本係一樣的,但玩耐左,結他會再加效果器玩,成本會高d

同埋你如果你彈得好既,咩野post 都可以好有型的,
學耐左,有d樂理概念,都一樣作到歌,唔一定要結他先作到的

另外,你學結他or bass 是但一樣,其實之後再學另一樣你會易上手d
一理通百理明

希望答到你想知既,俾到d idea 你

如果想經濟d 咁學木,電結他,bass,ukulele,歡迎聯絡我

我本身full time 教樂器的,有係社區中心,琴行教授

但我主力係私人教授方面,所以有興趣既,歡迎聯絡我

bass都係吉他，一樣要用電，bass係伴奏用，睇你需要。