感情煩惱 help - Ans.fyi 參考答案

感情煩惱 help

sam1110

2014-07-17 9:06 am

Sorry!可能有小小亂同埋長左小小，但俾小小耐性睇埋佢！

我宜加暗戀緊仲女仔(呢個月先開始鐘意佢），個女仔係我隔離位。佢平時對個個都幾熱情下，成績幾好。話說呢排要練學校個表演，同佢傾多左好多計，有一次放學果陣有幾隻狗係門口，果陣我地成班人一齊行緊嘅(有男有女)，但個女仔無啦啦翹住我隻手，叫我保護佢(佢驚狗）。

又有一次課室個門未開，我地成班係到吹水，講講下唔知點解有人講左句“你同佢有野嫁嘛”話我同個女仔有啲野，個女仔冇乜反應咁。但之前佢啲fd都有講笑咁講，講過佢同唔知邊個男仔有野，但個女仔即刻同佢啲fd講“你講乜吖”(有啲激動），但今次就無乜反應。

平時我同佢都有whatsapp下，有時就我搵下佢，有時就佢搵下我，佢係whatsapp到對我幾好，但番到去學校就比較冷淡。

其實我之前有約佢單獨去食早餐，佢都應承左話去，但我果朝唔知醒，無去到，之後反到學校佢好似唔係幾想理我咁，後尾wtsapp問佢係咪嬲左我，佢話冇嬲，仲話佢都成日放人飛機。
之後我想請佢食番餐飯賠罪，同佢講話我請佢食飯，問佢想食咩，佢又唔理我，無視左我條問題。

佢話8月會約我去海洋公園(op),當然有其他fd都係到，佢本身畏高，唔敢挽機動遊戲。每次去親都去睇下啲展館算數。呢一次咁難得有機會，我想同佢單獨相處下，但又唔知有咩籍囗唔挽機動遊戲，若果成班fd都去挽，得番我地2個嘅話，班fg又一定會有野講，又唔想到時令佢太監介，而且佢個女仔fd應該會陪佢睇啲館，又諗唔到有咩藉口洗走佢個fd，點算好？
Ps.我啲fd知我好鐘意挽機動遊戲。
個女仔啲fd感覺到我鐘意佢，都有主動嘗試幫我，但我冇親口同佢啲fd講我鐘意佢。

1.有咩方法可以係op到爭取多啲同佢單獨相處嘅機會？

2. 其實我會唔會主動得濟嚇親佢？
我主動到差唔多個個都感覺到我追緊佢咁

3. 其實我分唔清佢對我係朋友果種熱情定係朋友以上嘅熱情！似係邊種多啲？

4.一時對我熱情,一時對我冷淡,即係點,佢對我有冇意思?

回答 (1)

林

2014-07-17 6:41 pm

✔ 最佳答案

哇哇, 首先好榮幸成為第一個發表意見既人 .

答問題前, 先講下我所看到的內容, 所得出的睇法.

1.果陣我地成班人一齊行緊嘅(有男有女)，但個女仔無啦啦翹住我隻手，叫我保護佢(佢驚狗）

冇特別理由支持佢鐘意你, 好可能只係咁岩,位置上你係佢旁邊, 所以先翹住你隻手. ( 你以後更加要多D接近佢, 多D站旁邊XD)

2. 但個女仔即刻同佢啲fd講“你講乜吖”(有啲激動），但今次就無乜反應。

好難講, 好難憑呢點講佢鐘唔鐘意你, 而且估估下, 冇用, 唔重要.

3.其實我之前有約佢單獨去食早餐，佢都應承左話去，但我果朝唔知醒，無去到.佢話冇嬲，仲話佢都成日放人飛機。

你都算勁啦, 大哥. 第一次約人就咁. 冇嬲是假的, 好肯定, 不過咁小事, 應該已經原諒左你. 至於佢點解唔答你問題 (關於食番餐飯賠罪) , 好可能你問的技巧差, 所以冇心情答你.
-----------------------------------------------------------------------------------------------
1.有咩方法可以係op到爭取多啲同佢單獨相處嘅機會？

一堆人冇啦啦單獨相處,基本上會好唐突,好尷尬,我個人就唔建議,所以一班人去就應該一班人玩得開開心心,不過你可以不停在她旁邊,接近多D.

- 坐旁邊睇海豚表演,埃埋少少,無意下膊頭貼膊頭.(建議你帶定紙巾, 水, 表現細心, 因為曬到傻, 我6月先去完XP)
- 一定要去企鵝館,凍到飛起,借D意話好凍呀, 埃埋去撞一撞佢, 然後當無事.

2. 其餘問題,字數有限,總括講一下.
你盡左力就OK,女仔願意接受你,自然會有非常清晰的反應俾番你.唔好成日攞少少事出黎估估下,喜歡就追佢,追完盡左力就睇佢反應,佢唔願意接受你都冇計.(此為之追女正路.........邪路? ....從不教人)

有問題隨時PM我,我好得閒XD

👍 0 👎 0