新手養倉鼠

1)水最好每天更換,水樽要入滿水,滿晒冇咁易漏水又方便觀察鼠鼠飲左幾多,入完之後要測試水樽出水有冇問題,最好就係將水樽好似放左入籠咁垂直放,用手指尖輕輕托下,咁就會較接近鼠鼠飲水既情況
而長期飲用蒸餾水會令身體既礦物質冇得好快,咁就好易生病,當然,間中屋企冇水之類俾d蒸餾水or礦泉水就冇咩所謂
2)沖涼粉係唔可以放入籠內,鼠鼠一星期沖一次,太熱時最多兩次,沖太多反而易抵抗力下降,放入籠既話鼠鼠幾時去沖左都唔知,可能日日沖幾次呢
多問題唔緊要,咩問題都唔會係愚蠢,呢D都係關心鼠鼠既表現,咁先會對鼠鼠好既,唔洗擔心,有咩問題可再補充,好過有咩唔知點做,做錯左對鼠鼠既傷害可能就好大你既鼠應該係小銀弧A.鼠鼠都可以抱上手,但一定要先同鼠鼠熟左先得,最初真係唔掂得,要慢慢唻避免令鼠鼠受驚,受驚易誘發疾病;鼠鼠到你家之後頭兩日應該唔好打擾佢,再試下以下方法同鼠鼠建立關係:(耐左都同鼠鼠唔熟,都可以試下做)1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食3)再熟d再試下俾野佢食既摸下佢頭or身4)佢都唔抗拒之後,可將食物放在手心,等佢行上唻食,慢慢佢會習慣左你既手5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先B.只係食瓜子係唔健康,可以去鼠店買D混合主糧俾鼠鼠食,同時都可以加d鼠專食既牧草or草磚已經好足夠,正常健康時唔需要俾其他野食or零食鼠鼠係知飽,同埋有儲糧既習慣,所以一次可放數天既乾糧都冇問題,正常乾爽冇咁易變質既(水果糧就易D),鼠鼠有多D糧收埋仲會更有安全感,但如果出現偏食既問題,就要等鼠鼠接近食完晒先再添加C.有貓既屋企,鼠籠最好盡量放高,並加倍小心唔好走鼠貓天生就對鼠有興趣,因為鼠身上有種"牛黃酸",係貓既必需品,所以野生既貓會食鼠唻補充,久而久之,就算而家既貓糧已經有足夠既牛黃酸,貓天生都會習慣傷害鼠,而且如你所講,俾貓掂到鼠,唔殺都玩死,一定要避免有呢個情況;同時鼠鼠聞到貓味都會較緊張,鼠籠既位最好貓係接觸唔到,同比較遠距離如果鼠籠冇關好,鼠鼠就好易會走出去(都有例子係唔走既,但當然唔好博啦),就算係住30樓,鼠鼠去到窗邊都唔會因太高就唔跳,加上如果鼠鼠出到街,就搵唔返,所以點都要小心唔好走鼠;鼠鼠係逃走專家,有D會識開門,你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁D.倉鼠係獨居動物,習慣自己一隻獨自生活,有多一隻易打交or因壓力而生病,而一男一女繁殖起唻更加係好快同好嚴重,有網友不斷繁殖,唔洗半年可以有近百隻鼠
鼠鼠生b後受驚or覺得鼠b養唔大(有人既味,有第隻鼠在場,鼠b身體差之類),都有機會會食b,留意返過去既知識,應該都會搵到大量食b既問題避免鼠鼠懷孕就要將佢地分籠,日本流行可鼠鼠做手術絕育,香港唔多覺有,但鼠鼠壽命短,心跳快,做手術亦有一定風險,加上一齊住又易打交,所以就算有都唔建議咁做E.鼠鼠唔舒服,有d係可以自行處理,例如輕微肚瀉or外傷,一般皮膚病,而嚴重既問題就要睇醫生處理,只係睇貓狗既獸醫好多都唔會接鼠唻醫,醫鼠係好困難既事,身體細心跳又快,手術既話風險比貓狗大得多;鼠醫生資料及睇醫生要留意既事可參考:http://hk.knowledge.yahoo.com/question?qid=7009031901757F.其他養鼠既飼養方法及用品資料,可參考以下我回答既知識:
http://hk.knowledge.yahoo.com/question?qid=7008031903236

2014-07-16 09:39:25 補充：
ok? 樓主

但係點樣解決倉鼠仔周圍便便既問題...