''急''~有關租務糾紛,希望有專業人士可以幫下我…

本人多年前租左兩間村屋（同一個地址），一間用我屋企人名、另一間就用我個名。
用我名租果間因好友話佢女友搵唔到屋租，請求我讓租比佢！
當時我問過業主，佢話佢只租比我，我要再租比第二個佢唔會理，佢只會當係我租…
我本身唔想麻煩，但因我同好友o既關係最終都係租左比佢！
但咁多年以o黎（六年左右）都無立任何租約，佢交租時亦無比任何租單或收據佢。

直到兩個月前（5月5日）我通知佢，業主已經張間屋賣左，要求佢6月可搬出同交還鎖匙比我，佢話ok。
到左6月5日，我問佢搵到屋未，佢話未！咁我咪話最多只可以比多一個月時間佢，因新業主要收屋，佢都話ok。
到上星期，我老公返去時見到佢搬緊野就問佢係咪租到屋，佢話係，仲話過兩日可以交到鎖匙比我地…點知，我尋晚（星期六）問佢方唔方便交埋鎖匙比我…

佢就好寸咁話：「唔得喎！」

我好聲好氣咁講：「但係D裝修師傅星期一就要開工啦喎！你都已經租到屋啦，咁幾時先比到鎖匙我呀？」

跟住佢就講左一大堆廢話，話我咁遲先通知佢，又話屋頂滲水唔幫佢整…
但其實我上年已經搵人幫佢整過兩次，已經無再滲。
我亦都同佢講左，業主話會搵人拆左個頂再整過，但佢要搵地方暫住兩個星期…
之後，我問過佢幾次，幾時方便整個屋頂，但佢一直都話遲D先！

到而家佢話因為呢D問題而要業主比一萬蚊搬遷費同兩個星期時間比佢佢先肯走…
我覺得真係好過份囉！！
我租間屋比佢頭果幾年都係＄1000，13年1月開始業主加左租都只係＄1500，仲要一直都無收過佢水費，而電費都係近呢 3、4年先有收，仲要個個月都遲交…

我又唔想麻煩到舊業主，因為佢真係好好人，呢兩間屋有咩問題佢都會即時幫我搞…
但我更加唔想新業主有任何麻煩，因為新業主係我親戚，亦因為呢個關係先會買左呢兩間屋…

我想問：

1）咁多年以o黎間屋都係用我個名租，而我又無開過任何租約或租單比佢，呢D算 唔算係''租務糾紛呢？

2）因另一間屋有漏電問題，今日我搵師傅整佢就即刻報警話我cut電！！個警察話 有人o向到我就唔可以搵人cut電，徐非中電搵師傅cut…但兩間屋都用同一個電 錶，而佢又唔肯走，咁我搵中電o黎搞得唔得呢？

3）如果呢D算係 '' 租務糾紛 '' 咁我可以點做先收得返間屋，大約要用幾錢同幾耐時間，係咪搵政府部門搞會平D？

希望有人可以幫到我啦…麻煩晒！！！