我想問11月尾立山黑部和奧飛騨係唔係會閉山

1. 基本上11月尾, 立山已經大雪封山. 建議你下次10月底去.

如果你唔會再有機會再去日本, 所以一定要上立山,
建議你由大町個邊, 經黑部水庫上, 應該可以上到室堂.
但要走回頭路, 而且路途遙遠. 唔值得.


2. 奧飛騨(日本北阿爾卑斯山)應該係指上高地個邊.
以天氣而言, 11月尾上高地大正池大概係10度之下, 但未落雪.
可惜係每年11月15日上高地會閉山.
16日以後唔會有巴士運行. 即使未落雪都去唔到.
建議你下次去立山時一次過去.


3. 高山有好多古街道古建築. 仲有幾條旅遊散步道:
上三町散步道, 東山散步道. 係個古城中散步好舒服.
啱晒你想睇古色古香, 和自然風光.
其他景點如: 宮川朝市, 春秋二祭既屋台, 高山陣屋等.
都要花D時間去睇下.

喺高山附近又順路, 又值得去既有: 古川, 黑部峽谷,
宇內月溫泉, 白川鄉, 金沢, 松本... 都好多地方架.
你上去jnto個網搵下資料再揀下啦.


4. 11月尾既名古屋係秋天, 著多件外套就得.
去到高山就凍少少. 但白川鄉就凍好多, 係10度以下,
有可能落咗初雪, 要著件厚褸, 厚褲.

你好，
冇錯11月尾開始閉山，你所指既奧飛騨(日本的北阿爾卑斯山的登山基地)係咪指白馬？因為立山黑部同白馬都相差幾遠，如果你去既日子短，勸你唔好去白馬，因為我之前都安排左行程去白馬，景點比較散，花既日子比較多。

11月尾會開始凍，特別係高山果D，話明係山就特別凍。

如果你想詳細plan行程，或有其他問題問我，可以send E-mail去fancialove422hotmail.com問我，或者like我facebook page: www.facebook.com/gojapanusingenglish 參考下:)

上述地區是日本中部，11月尾是冬天，如遇上大風雪，站在室外隨時變雪條。由名古屋至高山市，白川鄉是高速道，不會封路。但遠北的奧飛驒和立山黒部，是會封路或禁止某類車輛行走(私家車多數禁走)。(建議往白川鄉)