✔ 最佳答案
而家有邊個國家係會以黃金做抵押去發行貨幣???
全球最大存金量係英倫銀行,但10幾年前曾經大手以賤價拋售黃金,理由可能係佢根本就冇咁多金.
咁鑽石點解唔可以同黃金睇齊呢?主要原因係難以量化,譬如鑽石其中一個價值,係佢既背景,或者係佢既故事,好難話應該值幾錢一兩,交易成本超高既情況下,命中註定唔會係貨幣之王.
2014-07-10 10:57:56 補充:
我比多個空間你去思考,首先貨幣既價值,首要條件係交易成本低,譬如你用黃金同我交易,又重,又要驗證,好鬼煩,所以就有代替品出現,而代替品係印出黎,抵押品就係該國未來既收入,信就可以.
實物黎講,係黃金,但黃金受制於開採成本,譬如掘一兩金,成本100,而金價必須要高於100,先有利可圖,假如難掘,成本要200,黃金供應必然大大降低,反之,金價升到400,有利可圖下供應必然增加,難掘既問題就唔再係問題.
2014-07-10 10:58:28 補充:
同一屬性,點解鑽石代替唔到黃金,上面已經簡單講左,接近既會係水同空氣,一樣可以計價,譬如而家國際間會有碳排放權既買賣,有呢個權,工業可以增產,冇就唔可以開工,即係對一國GDP會有影響(就算養牛都會影響碳排放),呢樣野既想像空間可以無限大,因為某程度上連出生人口都可以受制.
未來將會再出現一次貨幣改革,就正如當年推翻金本位一樣,但我唔知個形式會係點,但一定離不開死傷,係一個嚴重搶奪財富既情況,因為歷史只係會不斷重覆,人類歷史亦從未有過一種貨幣係可以千秋萬世.