我做野既果間鋪頭，個經理真係好衰!!
我同我朋友一齊入去做，本身佢話2個都請，當然我地好開心啦~
點知入到去做先發現中伏
首先我原本係返10點，但佢要我9點30就返到，9點35返到去都比佢鬧
咁我當你要教我地新仔一D店舖運作，冇咩問題啦，點知佢叫我係休息既位置到坐到10點先好落黎，wtf咁我咁早返黎為乜??
之後開始要我去貨場到工作，要我拎住個籃企係中場冷氣口位到，見到有客過就變成人肉錄音機係到講歡迎光臨果堆野，其實我已經講得好大聲(同事話係最入既位置到都聽到)，但個經理就死都話我冇講野同埋細聲到聽唔到，之後就要我追住D客黎sale野，搞到有幾個客怒啤我...
之後放飯時，本身話放1個鐘，但佢就放得半個鐘!!間鋪得對面7仔有野食，而間7仔仲要行條大馬路先到，加埋要拎返銀包同拍卡，最後我得返15分鐘出去買野食同食埋返去!!
個經理今日同我講，話我唔盡力D就扣我人工!!
但明明佢就係到hea到放工，真正唔做野果個係佢囉!!
儀容方面，自問本身皮膚白，又冇暗瘡或其他損傷，白白滑滑咁，淨係茶唇膏已ok，但個經理就要我地日日好多粉係塊面到返工，搞到我皮膚而家起D粒粒，個嘴仲要紅到好似女鬼咁，果種紅已經唔係健康既紅!!係人地勁熱氣既果種紅，搞到勁核突!!
同埋我覺得個經理好針對我，無論我個fd定係其他員工hea佢都唔理，我入一入休息果到飲啖水就已經比佢鬧我偷懶!!但明明其他人仲坐係到hea緊，淨係我一個企足5個鐘!!痴線架!!
大家覺得我應該辭職定係做埋個7月同8月先走?
p.s本人返工大約有1個星期
辭職定繼續做?
2014-07-04 11:19 am
回答 (4)
2014-07-05 12:21 am
✔ 最佳答案
假如你係好等錢使，無計，即使經理點無理取鬧都唯有啞忍假如你自問係呢個市場並唔係毫無價值，出到去唔會搵唔到野做，咁就梗係速閃啦
個經理擺到明玩你，即使你做得再好都無用
拿拿臨走人搵過第二份工好過
2014-07-06 15:37:09 補充：
既然你想調舖，倒不如向公司投訴個經理好過啦
不過我覺得你最好都係早走早着，免得第日比人秋後算帳
而且，你唔襯依家試用期走人，到過左試用期之後，要一個月通知，你重難捱
（其實你個經理係咪特登玩你，想你自己走人）
2014-07-06 15:37:42 補充：
既然你想調舖，倒不如向公司投訴個經理好過啦
不過我覺得你最好都係早走早着，免得第日比人秋後算帳
而且，你唔襯依家試用期走人，到過左試用期之後，要一個月通知，你重難捱
（其實你個經理係咪特登玩你，想你自己走人）
2014-07-09 4:57 pm
如果個經理對個個都係咁, 咁可能唔洗辭。
但問題係,淨係針對你一個, 都係早走為妙。
但問題係,淨係針對你一個, 都係早走為妙。
2014-07-05 11:34 pm
首先你覺得這份工作有沒有前景，如果有前景的話，就忍耐一吓再做下去。
如果沒有前景的話，不須要再受這樣的氣。
如果沒有前景的話，不須要再受這樣的氣。
2014-07-04 5:31 pm
見你咁辛苦..如果想用電腦點擊廣告掛下點數..賺分換錢..就搵我...
冇不勞而獲嫁..
冇不勞而獲嫁..
收錄日期: 2021-04-15 15:55:00
原文連結 [永久失效]:
https://hk.answers.yahoo.com/question/index?qid=20140704000051KK00018