港鐵新線啟用後估計會有多少條新巴城巴路線會

西港島線同南港島線啟用後的而且確會令大量新巴城巴路線客量受影響架啦!點樣面對本人就有以下建議

西港島線:
城巴的1,5系列同10號可以話係西港島線啟用後最受影響的幾條路線,事關佢地主要客源幾乎同地鐵重疊。論快一定唔駛講,論平又唔夠電車平。西港島線通車後點算?取消幾條都係一定架啦!特快的5X就一定要留低,不過其2條主線5同5B仲有其他5C,5P,5S呢堆同地鐵幾乎平行的都無得留低架啦!10號就由北角縮短到香港大球場取代5B的服務,而1號因為南港島線唔經跑馬地因而有幸留低。之不過減車都唔少得架啦!
相對嚟講,新巴受的影響無咁大,不過都唔細咁解。23號到時候少左好多港大的客,之不過佢半山的客都仲留得住,估計少1至2架車都無事。
18系列就留番架18延長番堅尼地城,過完西營盤不停站直到灣仔北,唔再經德輔道中都得。
而18X同A12其實仲有個「重生」的機會,就係中環灣仔繞道落成後,假若索性唔再經中環同灣仔,絕對仲有機會留低。另外A12喺西區去小西灣的短程班次加密同增設小西灣去西區的短程班次同雙向分段收費,呢度可以由取消左同cut左車的路線攞幾架車。或者有人話A12係機場路線整D咁o既短程班次?無錯,但係搭A12來往機場的人直頭少,遠遠少過西區去東區嗰D,咁點有得唔咁搞。
至於904同905,因為仲保持倒快,所以都有得留低,而紅隧嗰幾架,雖然少左西區的客,但係中上環金鐘同灣仔先係主要客源,所以影響有限。

南港島線:
鴨脷洲大鑊囉!D路線同地鐵重壘哂。喺衡量海怡同利東輕重之下,本人認為保海棄利有利。所以96同97都留唔低啦!而97A可以重新每日全日服務,同98雙雙加密班次同時增設跨區路線轉乘優惠取代。
595同95B都可以唔駛要,由95經海怡取代,同時每日全日以利南道為總站。
93同94系列(94A除外)都可以唔駛要啦!由91全日經利東同埋經半山出中環取代。
590同590A都可以唔駛要,由90號延長到海怡同加設同70號轉乘優惠取代。
黃竹坑方面,71同71P首先留不低(分別同地鐵同7號重壘)。72A都可以走,增設72去黃竹坑的雙向分段收費就得。
75又重疊哂,又可以唔駛要,同時7號唔再經置富,2者由37A同37B取代。
629直頭一早可以取消。
來往香港仔以西的暫時有得留低,因為南港島線西段未起。
赤柱方面:雖然地鐵唔經,但係有幾條線好需要改
66可以取消,增設6X同6號的轉乘優惠取代就得。
14號索性取消循環線運作,而家咁搞搞到居民好亂呀!
過海方面:
671其實可以縮短到利東,由同95轉乘優惠取代。
970同970X雖然南港島線同佢地無關,但係走左一D港大的客,估計都有可能略減1架車。
107去華貴方向唔再經銅鑼灣同南朗山道,九龍方向繁忙時間唔,2邊方向唔再入黃竹坑邨。
171各分線取消,主線九龍方向唔再經銅鑼灣。
973P可以取消。

以上就係本人的建議,應對方法當然巴士公司有佢地一套啦!有無效就睇到時係點啦!

這里很不錯ａaａｓhｏｐs。cｏｍ老婆很喜歡
哣匥