我係咪鐘意佢,佢係咪鐘意我

我係大專生,我近依幾個月好似對一個男同學P有好感。
首先,一開始喺開學果震,我地成班同學一齊食開sem飯,然後我食飯果時覺得有人好似望我咁,所以我睇下係咪真,點知P好似有望我(大約係望左幾次到,但唔知係咪真係望我)我都有望番佢,咁之後就無喇。

第二(依個情況係較奈之前4-5個月前),係有幾次放學,我自己一個行走搭mtr,之後又撞到P,P主動叫我個名,跟住就一齊搭mtr,雖然途中無咩點講野,但係我又覺得尷尬,所以就同P傾左幾句,跟住我就落車。依家(2個月前至今),P見到我喺佢隔離就會問我今日搭mtr定巴士,如果係mtr的話,我地會一齊搭(唔係得我地兩個),但係佢會同我傾計,唔似之前咁(我知可能係熟左,佢當我係朋友先同我傾計)

第三,(都係2個月至今)佢會主動whatsapp我,雖然大部份都係問功課果啲野,但係有震時我都會同佢傾下功課以外嘅野,e.g我地都鐘意睇戲,有震時我都會同佢講TVBP有xxxx戲睇,佢都會睇,之後有時會傾下好唔好睇之類。跟住有震時有啲上映緊嘅戲有我想睇,我們問佢同其他人,P大多數都會陪我睇,(但係當有其他人同我地一齊睇我就會有啲悶悶不樂咁,因為我無同過佢一齊單獨睇戲)。有時一齊成班約睇戲,得P同某一兩個人問我地方會唔會遠,會就我去近啲嘅地方睇,有時佢會話下次陪番我

其實我同佢分別都有俾人傳同其他人有野,我地兩個都會互相玩大家,但係我地又會互相澄清無依件事,即係我講佢,佢會澄清(但係喺大部份人面前唔會),佢講我,我都會同佢澄清(但係佢之前都會叫我x嫂,不過近依個月無)。

當我見到佢同其他女仔一齊行/咁啱同女仔番學(幾乎係同一個人,就係俾人傳同佢有野果個)我會唔開心,覺得'有無咁啱呀?'佢之前有俾人追,但係佢無理到,只係當朋友。

有震時我post ig,佢好多時都會留言(我平時見佢係'心'完人地就算),跟住我喺ig到見佢同某人留言話想食我煮嘅野(果張post喺我煮完影嘅餸黎),我就開玩笑留言話會煮俾佢地食,點知佢記得,我心裡面勁開心。

我同P其實係一個無咩所謂,算玩得嘅人,有女仔叫P陪佢大部份都會(包括我),我同佢嘅情況都一樣。P會成日講核突野,但係我有時又覺得好好笑(但佢有時會同朋友用我個身體某部份較人大而開玩笑,喺我面前,我知佢地係玩下)
佢會留意我e.g我有啲野唔食得,佢會記得,跟住問我食唔食。我見佢唔舒服/唔開心,我都會問佢,佢都會講,但係講唔多(因為佢會同一班好熟嘅人傾)

有時我會幻想同左佢一齊,我勁幸福,但係我又覺得佢只係當我朋友,無其他

大家可唔可以幫下我呀