可能緣份，因為我個TEAM既上司離職，所以由A君代替我既舊上司，所以接觸機會多左。
呢幾日感覺上同佢好似開始有D愛瞹，例如公司攪活動，A君問我去唔去，我話你去我咪去囉，咁佢又話, 我唔去你係咪都唔去先？結果佢唔去，佢最後話，我唔去喎, 咁你係咪都唔去？
有次見到佢食熱氣野，我叫佢唔好食啦，食到塊臉生暗瘡，佢話都係我關心佢。
雖然我地除左工作時間內傾計多，但係都好似大家都係等緊個機會…
唔知係唔係大部份女仔都係咁，見到心儀對象係你面前，都唔敢表現主動，可能因為驚感覺錯左，比對方拒絕，尤其是大家都係同一間公司
有時諗得長遠點，如果大家一齊左，見既機會就多左，可能都會經常一齊食飯、放工等，
但係我知道自己唔想放太多時間係拍拖上，尤其是放工之後好累，
我知道熱戀期大家都係想見對方多D，如果佢想見時間多D, 其實點樣溝通/遷就會好D
希望大家比D意見我啦, （我係女仔）
更新1:
燈：我知道鍾意一個人自然都好想見多D佢，但係我有時候都係鍾意自己一個人諗下野（尤其係放工） 冠傑：其實我諗個上司應該係比較大男人，我地公司分開左幾個TEAM，有時無野做，想去隔離個TEAM幫手 ，有時從佢說話好似想話我知, 佢唔鍾意我去隔離TEAM做（因為見其他同事過去幫手，上司都無點話佢） 有時候我欣賞大男人可以有自己主見，感覺上可以保護到我，但係自己都唔知係咪可以接受到呢類人（我唔係小女人）
更新2:
有時差唔多放工，佢都問我放工去邊，但係都唔見佢問其他同事 有時有係其他同事面前讚我.......
更新3:
傑：所以我覺得投唔到都要繼續投，點都要扮下野，治終自己前途最緊要, 所以諗過，如果同佢真係要拍拖,（如果佢想要差唔多日日拍下拖）咁我又唔想（因為可能性格唔合）咁應該點做好呢
