如果你係我..

我係一個本來一直讀緊band1中學既人,
途中因為懶而唔係讀唔得黎,
試過留級兩年之後唔想再留於是由band1轉校到band3(而家中四)
我好掛住以前,成日同以前既良好讀書環境比較,好後悔
呢到會讀書肯讀書既人得幾個 老師呢到確實係比band1更有關愛更有心同你傾計了解你
但係呢到,我搵唔到岩既朋友,我既朋友圈子完全係曬舊校,而仲有經常聯絡仲係身邊既只得一個女仔同係舊校識,一直到而家仲拍緊拖既男朋友
我成日好驚佢地會走會離開我,會識到比我吸引既朋友/女仔,因為我真係淨返佢地兩個
正正因為得返佢地兩個,我對佢地既依賴性好大,但同時又因為成日會凝住佢地會走會離開自己而唔夠敢投放得太多,怕之後冇左佢地會撐唔住..所以有時佢地話會留係我身邊,我想信,我亦都信,但亦唔夠膽信,因為真係好驚好怯..我想將呢d唔開心都同佢地講,但我知呢種唔開心可能會厭會覺得煩,就會走..
轉左校都就黎一年但情況冇咩改善,每日自己一個返屋企,fb,ig都係舊校既人,有時見到佢地學校有活動d相好開心好想身在其中但事實根本呢d已經唔再屬於自己 開心既回憶全部停留曬係2013年既9月前 之後就算真係開心都唔係真係真正既開心 我已經係一個好易笑好易滿足既女仔,但呢一種感覺直至而家都未有好轉過 什至有時會發夢返番去個到好開心好開心然後返學又要用力扯返自己去返現實 好驚失去身邊任何一樣野 好似自己死左都唔會有人知有人搵有人擔心 個種孤獨感真係好恐怖好得人驚
溫書專中唔到,人愈來愈瘦 成日諗,亂諗到自己衍生一個又一個問題 訓唔到,頭成日痛 個人好亂知道係要讀書,係要好好追返因為要預備dse 每日都好想了結自己delete所有野黎重新開始,同唔到屋企人講怕佢地擔心,但就係做唔到..撐得好辛苦我可以點