「將來」好似出現左係我字典到 ! 救命!!!!

先講講小弟既背景 :

小弟係2013年既DSE生，成績極差，但不介意話比大家聽，就順住中英數通+2個選修科，211212。咁跳到宜家2014年我就考完毅進個試，如無出錯我會順利畢業。

入正題，如果真係畢到業，我就有五個二既成績，老實講我出黎做野之後發覺我雖然享受到工作個陣學到同識到既人和事，但係我真係唔太想咁早出黎做野。

問題 :
其實好簡單，我應該留係香港升讀副學士/高級文憑 還是 到台灣/大陸升學?
我自己既方向係可以成為一個教育工作者。
我希望可以得到一啲過來人分享下，作為一個參考。


備註:
1)如果你地睇到呢篇文章覺得我係廢既，覺得我讀唔到書就應該早啲出黎做野，唔好浪費屋企同社會資源既留言者，我唔介意你地咁講，但我希望你地可以比少少意見我。

2)盡量唔好比啲升學網站我去睇，因為我有大約睇過呢啲網站，主要希望過來人提供少少資訊同經歷。
----------------------------------------------------------------------------------------------------------------
呢次係第一次為自己思考既野，以前既我只係一個見步行步既人，希望大家幫一幫小弟。