發覺人大左，越黎越難識朋友

因為某些原因，小弟不能留向外國。辛苦建立的夢想與基礎已過賞味期限，得醒來回到現實。 久違繁華都市，小弟最近十分努力的廣結人緣，希望重新融入社會。由於自小人生路不熟，與小學中學朋友紛紛結怨，大學所識的朋友就是我的一切。因為咁，我唔似其他回流香港既大學生，可以有勇氣放棄外國既一切，返到黎繼續同中學雞小學雞所認識既朋友們埋堆，完全當自己無出過去讀書咁。 為左增廣社交圈子，我參加過meetup.com的多種活動，也有做義工，去實踐興趣以及認識志同道合之人，並嘗試在這煩囂都市體會人生，但總感覺在摸門釘。點解呢？，因為識親既人，加左佢fb, wahtsapp便發現佢地如果唔係想sell你保險，就是想sell抽濕機，或想sell香薰燃燒器。我心諗，其實大家出黎gathering，行山，Language Exchange，都係想識多D志同道合之人，讓自己既生活圈子擴闊者，點解要攪到個event變左做銷售平台呢？ 難道香港人經歷了小學與中學的洗禮後，就再無勇氣容納新朋友嗎？難道所謂朋友只係一種一買一賣的關係嗎？