搵工第二次面試後，話要等公司出offer

請問大家有無試過以下情況？或大家有什麼意見。謝謝

本人在星期五第一次面試，當時只有a君同我面試，因為b君臨時有野做要離開，b君叫我同a君傾住先。過程不錯，a君話要同director商量我個人工先。有需要叫我second in.三日後的星期一，公司打黎話想約我second in,約在四日後的星期五。

Second in時，a君和b君一起見我，但過程上沒有叫我介紹自己，主要係講佢地公司返工時間，食飯時間，同埋主要問我有沒有東西問他們。而佢地就話至於人工同埋大假，要得大老闆同hr批，到有offer時會打比我睇下接唔接受。

其實second in時間只是主要講佢地既野，大約只有五分鐘。大假多少未知，我要求既人工未知比唔比到。其實點解唔會攪清楚先叫我去second in?過程傾得開心的，有講有笑，最後我問，即係我要再等你地電話？佢地話係呀會盡快覆我。我問那麼是否算請我，兩位都確實答,係啊，係請的。只是看看hr比咩野package再睇下到時我接唔接受。

這些情況我未遇過，只是覺得怪怪，但又唔似呃人。但好似在package上未確定，其實係咪真係會請？謝謝