日日都因為朋友同長大而自尋煩惱,想停又停唔到...

其實我係一個好怕同好靜既人,
不過對住家人同好熟既朋友就會好開朗好多野講,
其實我諗緊呢個係唔係我既問題,
點解可以有咁大既反差..
然後上左大學我就想挑戰下自己去上莊,
因為我想令自己見識多D健談D,
而且可以識多D朋友.
好好彩比我上到莊,
但係我係做莊務既時候成日都唔識比意見,
有意見既時候又唔敢講驚人地覺得我問既野好蠢,
而做野既時候好多時都係莊員幫我搞掂,
因為我好多野都未試過唔識而佢地就好多野都識同諗到點解決,
自此我就覺得自己令到其他人好麻煩又幫唔到手,
自卑感愈來愈大,
我知道我係想去學野所以唔應該因為自己唔識就自卑,
但係當人人都做到幫到手既時候
自己好似咩都冇做過又冇比到意見
我覺得我做呢個職位做得好差

而莊入面我同某2個莊員因為一齊搞活動變得好好朋友,
但係我因為家教好嚴
佢地去莊既交流團同宿營我都冇得去
漸漸莊員之間講秘密我都唔知
漸漸果2個好好朋友既莊員就變到好老友
有時係WHATSAPP佢地會不停講野而我係唔明既
完全答唔到嘴
係呢個時候我就會開始唔開心,開始妒忌
點解佢地成班都咁好朋友SHARE秘密
但冇人會話我知
而果2個咁好朋友既莊員
佢地有約我出街
有時不時問我做咩唔應WHATSAPP
所以我知道佢地唔係特登唔理我
都有理我既感受
但係我自己個心就好唔舒服
同佢地2個出街同WHATSAPP既時候
佢地都傾得好興奮又成日撩大家玩
但係就好小會撩我玩
我覺得好唔開心
成日叫自己順其自然冇得勉強
但我都仲係好在意
我應該點做?
自尋煩惱真係好難受好辛苦
妒忌都好難受好辛苦

而呢幾年我唔知係唔係因為大個左
之前由細信到大既信念都比現實推翻哂
''努力就會成功''
''只要做好自己就會有真心既朋友''
我一路都相信住呢D天真既諗法
但大大下話我知呢個世界唔係咁簡單
由果時開始我對好多事都冇哂感覺
身邊本來會感到幸福既事都冇哂感覺
我對自己咁改變覺得好傷心
我點先可以搵返自己
搵返有血有肉有感覺既自己..
本來我想搵家人傾訴
不過我唔想佢地擔心
唔想佢地仲當我係細路
想佢地信任我
所以就係呢度尋找幫助...

謝謝:(