dse升學!!!求指路名燈!!!

我今年中五,明年升中六,系個女仔
成績一般,有想去台灣讀。但家境唔系咁好,阿媽話明唔會送我去其他地方讀。

成績:
依家選修中史+art,尼兩科都讀到一般,最多應該只可以系dse拎到4-5
英文十分十分之差,最好系oral,有機會拎到4-5; reading同writing應該最多拎到4; listening...我都唔知有無可能拎到2...
中文最好,老師話我有機會摘* ; Maths嘅水平應該系4-5*之間; LS嘅成績好唔穩定,但最高分果次,老師都話我有機會摘*

夢想/興趣:
希望大個可以做作者,寫小說,不過唔一定要正職係作者
我好鐘意睇小說,每日至少要睇一本小說,但都係中文...
依家鐘意剪片,自學梗,但水平就...
畫畫同design都幾鐘意,但就系無天分...
我做手工幾好,試過縫過一個筆袋出尼

依家迷惘梗...因為出年就要dse+搵出路,但家境唔好就一定要系香港讀/考唔到大學出尼打工

Whatever,其實我依家系想問下我如果讀到大學,應該要簡邊科?我想確定下未來方向

我有諗過讀中文,因為我知道用英文要教果d課我一定死得...(其實有無邊科對英文要求唔高架?)但系讀中文我又對文言文麻麻興趣...而且中文系出路又...
但其他科我又一知半解,我淨系可以確定我理科,商科應該都唔ok,而我又對教育同語言無興趣(應該講我無語言天分,除左中文)
而且我驚用英文教果d科,我會handle唔到

希望各位師兄師姐可以比d意見我尼個迷惘中嘅師妹,有咩提升英文嘅方法我都無任歡迎架:)