緊急20點！想知隻倉鼠係有病定年紀老？

我隻倉鼠已經養左有17個月，男仔黎架，一向都好活躍。
但呢幾日，佢唔肯食野又唔肯飲水，好似就黎死咁。
個日一番到屋企，見到佢唔郁趴左係個水樽口下面，我以為佢熱過頭，即刻開冷氣放佢入廳到涼下，之後佢又郁番我以為冇事。
點知隔左一陣，佢就呢左係個沖涼兜入面唔郁。
咁見好似又唔關熱既事，就放番係出面，但之後又留意左佢好耐都係唔郁，叫極佢都冇反應。(但平時叫佢佢一定會周圍望，之後好活躍咁周圍走）
我驚佢有事，咪抱上手睇下，點知又好似冇乜事咁係我隻手到行黎行去。
但唔知係咪因為岩岩涼完冷氣出黎，佢手手腳腳好似有D凍。
放番佢入籠，佢就慢慢行左入屋，行個陣個身仆下仆咁，好似個身唔知整親邊到咁，見佢坐係到個陣佢個背到有舊野突起左，我驚佢跌斷入面（因為佢成日爬到好高，好似爬馬騮架咁，吊下吊下，之後成日跌落D硬物上面）
佢坐係屋入面，我打開個屋頂睇佢（平時一打開屋頂佢即刻想走，但今次佢郁都唔郁）
成隻個頭向住個角落到坐，好似唔開心咁。我見佢冇食野我以為佢硬得濟開唔到，我幫佢開埋餵俾佢，佢聞兩聞，就另番轉個頭唔彩我。就算俾佢最鐘意既餅佢都唔食。
我摸佢一次，佢就轉個頭一次(貼住屋)。(但平時我摸佢佢會係咁舔我）
跟住佢坐坐下，突然成個身好似冇力咁訓左係到，我以為佢唔掂啦，我唔敢睇山番個屋頂，隔左陣整理好心情再睇佢，原來佢頭先係訓著左。但睇佢抖氣好似好辛苦咁。之後隔左陣佢就爬左出屋挨住係梯口到訓左。
而家唔知點做，我個fd又叫我帶佢去睇醫生。
我上網睇話老既話屁屁到會腫左會甩好多毛，但我個隻又冇。
佢而家一直呢係個角落頭到訓，唔食唔飲水，我可以點做？
我係咪應該買番個細D既籠等佢唔洗爬上爬落咁辛苦？


另外如果死左，我應該將佢包好放入垃圾筒定埋左佢(如果係埋可以係邊到埋）？