F.3選科問題,數學好差,20點!!

其實針對你ge問題, 數理比較差即係話背系比較適合你, 冇得逃避, 系唯一在DSE贏理科人的方法, 記住, 最後目標系入大學!!!

先講你自己的意願, Geog Econ

Geog內容多,坦白講比較辛苦,不是靠背書, 而且要在DSE取高分相對困難. 因為考試卷除了MC, Data Based 仲有Essay, 而且好多問題書d概念照搬系冇用的,經常出現答一大版但可能冇分的情況(呢個系我地學校的實際情況, 都係band1中上, 每次Geog考試第一名的總分都係大概140/200)但係課程內容幫到LS諗point. 但如果你對將來大學選科不是一心選關於Geog的, 不建議選Geog.

Econ普遍多人讀, 競爭大, 但要取高分比Geog容易, 冇essay, 而且考試題型比較少, 歷年試題有跡可循, 肯勤力操卷就好容易高分. Econ以理解為主, 有少量內容定義要背, Econ的內容答LS幫助很大, 鑒於你話自己數學不佳, Econ到Macro部分都有少量計數但不算複雜, 相信你能應付. 建議Econ.

以下個人意見:

理科一定不是你的選擇,但重申數理唔好咁背就系幫你彌補. 冇其他方法, 除非唔讀書......

個人建議可以選擇中史. 首先你學校屬於band1中上, 而只有少數band1中學願意開中史(老師學生都覺得冇用), 所以你的優勢比起其他人更大. 課程內容方面, 咁中史都少唔到背, 但係保證你系有分(唔會溫曬書但成績唔好), 其實來來去去都系問一個政策的原因or影響, 加上DSE中史卷一年淺過一年, 其他人覺得冇用, 但唔好理, 只要勤力到時5*/5**就穩入大學, 我地學校的情況連續兩年DSE成績都非常好5以上有70%, 所以band1中學讀中史有好大優勢. 同時中史對你中文作文好有用.

其他選擇都要睇返你學校有乜俾你揀, 對於你ge情況,除了以上的建議, 以下科目可能比較適合你(如果你學校有開辦): 旅遊與款待, 中國文學

對於如何提升數學成績, 本人為文科人, 但數學不算差, 個人認為基本功好重要, 建議呢個暑假先練好基本功(雖然老套但事實), 我系文科班, 我承認兼接受數學冇得同理科班人鬥, 但係都系中上, 發現系其他人一d好基本運算都唔熟. 而新高中課程好多都系建基於你中一至中三的概念,因此初中概念一定要熟.

之後高中兩年半, 個人建議根據每一個課題操Past Paper的MC, 溫書都係做呢d, 反復做, 其實溫數學, 每次做新數的作用系有限, 不斷做舊數反而幫助更大, 因為考試題型大同小異, 反復做會幫你練熟概念加題型做法, 現時好多教科書的練習淺的太淺, 深的太深, 針對唔到DSE水準, Past Paper更有參考價值. 而MC系操練你諗野快d, Long Q只不過系將你諗ge野寫出黎, MC好多時候都係直接問最難部分, 即係Long Q會分a, b, c part問, ab系引導你答c, 難的MC會直接問c part程度的問題, 可以訓練你整個思維.

希望幫到你

揀科讀真係好重要
淨係聽你自己形容自己既喜好
我覺得你比較偏向GEOG+ECON
我唔知你所謂既成績唔太差同數學差係點
不過你係BAND 1中上就差極有限

我唔清楚你數學有幾差
不過我可以肯定你自己知自己唔鍾意背誦
所以如果你經過篩選後淨係得GEOG+ 中史/ECON
咁我會答你揀GEOG+ECON

如果你有決心可以勉強自己背好多野,寫好多字
咁你可以揀中史
但係如果我揀,我會睇埋將來大學選科
其實中史將來可選得文科
除非你想將來讀文科,唔係既話
大學果時選科會比較窄,第日冇得揀

咁我當年有讀過CE+AL ECON
我數學都唔太好,我都係BAND 1 中間既學生
咁其實ECON 涉及既數學唔太多
老實講,係初中已經教哂既野
分數,比率,四則(+-*/),百分比, (X,Y)座標圖
同埋一D好似常識咁既野
用英文教D TERMS 好少
唔係升,就跌, 再唔係就不變
揀ECON將來用得返既機會大D
大學文科/商科都揀得

咁揀科咁大件事
你最好搵多D人傾下
最好揀老師同父母
唔好搵朋友..因為佢地同你一樣冇經驗
一樣係道煩緊同一件事

數學差,其實可以自己做多D練習
將之前既中一,二都抽返一D黎做
特別係以前都覺得自己唔熟果D
再問人/搵補習幫你去理解佢
補番好個數學底
反正你無論揀咩科
你數學都一定要好先入到大學既

加油呀!同學仔

選科必需考慮因素：未來工作>個人能力>個人興趣

我本身讀CPU&Physics，但我又不認為他們會看成績.……可能我太幸運吧……其實我初中數學都好差，同你一樣，不過升上高中我既數學科成績急升全班第一名……可能是培養到數學興趣吧。

初中課程不像高中課程架~初中課程內容太容易，無論計數還是背野到了高中增加好多。背野背到頭痛，計數計到痴線。不要以為理科好好，特別是Physics既公式要記像怪獸既公式，不是讀Physics既人就看不懂……

我勸你先做職業性向測試﹑九型人格測試﹑十六型人格測試之後先再考慮。因為我依家要報讀IVE，為前途作打算，點知做完以上測試後先發現自己最適合職業同過去讀既選科不太一樣方向。

科科有一本難念經，我深深體會理科既難念經，但是我相信文科同埋商科都有難念經……無論你到時個科讀得有幾好，如果同你未來工作無關就沒有用。

我系舊年DSE畢業, 都系Band1中學,讀geog + econ + bafs

我本身同妳一樣中三嘅時間數學超級差, 後尾暑假去補習, 由中二數學開始重新學起,發覺其實系基本功問題。當妳用反多少少時間去理解之後就會發現好簡單。補完之後我數學真系好左好多,亦令我開始鐘意反數學。講真數學成績唔好正常都唔會好有心去溫會冇興趣唔鐘意,但真心可以補補佢, 明白個理論之後試下做晒書入面d exercise, 因為f4-f6數其實有唔少都要用反妳f1-f3學過嘅野,所以個底打唔好以後讀得仲辛苦。數系主科所以點都要搞好佢,如果唔系妳其他科幾叻都冇用。

Geog用英文讀,真系好多野要背,考試essay講真背得多都未必有用,好多時要妳舉反例子等等去支持妳論點, 加上用英文,雖然系band 1中學但妳上面仲有好多名校生, 根本系冇得嬴,所以只可以夠mc同short questions去拎多啲分。以前我讀嘅時候老師都有幫我地操essay但系真系太難拎高分, geog系dse入面都系熱門科,多競爭,人地名校果啲求求其都4-5頁紙, 英文又好,我地真系太難去比較。
個人覺得呢科妳肯背,拎level3-4系完全冇問題,但level 5以上就困難d。

Econ其實都數學又冇咩直接關係, 當然都有少少公式要背但真系唔多。理解方面會多d。Econ唔要求死背, 考試最緊要系答中key words, 就算佢比幾行位妳寫,妳中points2行都搞掂。但我自己本身頭腦轉得比較慢興趣又唔大所以覺得難, f6就drop左 econ冇讀。

中史其實都系夠背,加上唔算系熱門科,如果妳真系有興趣都不妨揀,高分會易拎。但如果本身興趣唔大我建議就唔好,因為一讀就3年,冇得後悔,如果唔中意死讀3年會好辛苦。

對於妳點揀我認為妳可以諗諗妳將來系想點,要入到大學定系純粹想五科合格出黎做野。入大學講真唔易,但妳幾年後聽聞會好D, 競爭人數少過依家好多。但最穩陣系要全部level 4, 如果以入大學為目標, 我建議妳揀geog + 中史,呢兩科要level 4都唔會太難只要妳比心機背熟內容。如果妳只要求全部合格唔需要入大學,要入asso嘅話,妳可以試下geog + econ或者中史 + econ。講真geog同中史呢兩個實用性唔太,對妳將來工作亦都冇咩用, econ反而大路,妳做咩都可能會有用d。所以要睇反妳個人取向系點而選擇。

都系果句,主科一定系最重要, 數學真系要打反好個底先可以繼續上去, 一個暑假就夠妳溫反好, 自己溫可能唔夠,如果可以搵到補習當然最好,我果時系請私人一個暑假將f2-f3每一課從頭教多次, 再自己做多d exercise, f4一定有好明顯進步。Econ唔需要太擔心, 如果揀左之後真系發覺唔適合自己都可以drop左佢, 最多第時讀反科apply learning學反其他野

唔洗咁大壓力架,亦都唔洗因為數學唔好就認定自己有數字嘅科都讀唔好。最緊要認清自己目標, 唔好強逼自己讀d完全冇興趣嘅科, 諗下心入面最想讀咩, 第時想點, 再針對自己弱點去讀好佢咪得囉 :)

希望幫到妳喇, 祝妳選科順利

I think I may help you:)
本人為應屆dse考生, 就讀傳統女名校,成績優異. 已於中文大學及香港大學醫科面試, 並已被澳洲及英國醫學院取錄 . 現等候放榜, 希望作私人上門補習. 有興趣請電郵至 [email protected] 聯絡後我會再提供成績證明文件以作確認. 價錢時間地點可再作商討