關於dse 有意讀大學問題，麻煩大家幫幫手！

1：我成績唔系咁好，各科成績都唔知可唔可以去到lv3，如果用暑假加F6剩餘時間全力溫書，有無機會入大學？

奇蹟總會降臨係考生身上，如果你成績唔好係因為以前冇努力，咁呢一年半要追返，都仲要睇你資質同努力既程度。
如果你成績唔好係因為資質問題，相信我，我身邊有好多人都係呢個情況，但係考出既成績比校內"聰明"既同學好，原因係佢地有努力溫書，非常努力。
凡事皆可能，考過試過先知既。

2：有意是讀大學，唔知邊間大學邊科系比較容易入？

每年 JUPAS 都會出一本書，統計去年各大學各科收生最低分數同平均分數。你可以問學校幾時會派，參考下。
你都可以係各大學info day收集資料，不過，身為過來人，其實你除左發現果科有幾好同聲稱有幾易入(同你講果班都已經上左岸，梗係咁講)之外，就只會有一堆紀念品。

3：聽人講讀完副學士都唔一定可以升到大學，又話要好比心機，好難的樣子，咁實情系？

讀完副學士都唔一定可以升到大學？咁梗係當然。據說只有1-2%既人可以升讀大學。
我身邊有兩個朋友都係讀副學士，一個頭一年加year2 sem1 GPA過3 接近4，經過面試，Kong U 收左佢入nursing，入year2。
另一個GPA僅僅過3，冇大學收。
至於你話難唔難，聽聞好睇科目
有d科目冇人俾心機讀書，"相對地容易"，不過無論邊科，唔俾心機都一樣唔得。

4：副學士系讀幾年的？（有d人話1年，有d又話2年）讀完副學士係會到大學幾年班？

有人讀左一年幾有大學收，咪一年
一般正常就兩年。
讀完副學士有大學收會直入year 2

5：比較想讀商科，唔知你地身邊有無識人讀大學商學系？情況，dse成績，溫書時間等詳細如何？

小弟係半個商學系(情況比較複雜，不過唔影響)。每間大學商學系收生情況都唔同。
最好都係睇返天書(Jupas 果本)，比較準確
而根據往常情況，三大(港大、中大、科大)收好高分
城大個別科目收好高(例如環球經濟)，個別科目收得比較低(唔係低，只係比較低)，而且好重面試。
其他大學商學系收分再低一d，但係相對該大學大部分科目，依然比較高。

我唔知你講既溫書時間係指入左大學定係DSE前，入左大學基本上你就會明，大學生溫書方法同時間比起中學更多樣化，講唔清。
至於DSE前，下面答你

6：想要d dse考試方面ge野，無論系技巧，筆記等

公開試應對方法大概得幾招
a) 操卷
past paper 於各大網絡有得下載，最好搵同學幫手搵，搵完一齊做，做完一年對答案，仔細研究點解錯(同同學討論得著更大)，用筆記簿寫低你既錯誤、原因同正解。做完十年，再從第一年開始做，做到你滾瓜爛熟，幾乎可以背到份答案出泥，咁保證你坐4望5 (考試從來都係一半靠背一半靠靈活變通)，如果你可以將各科玩得出神入化，絕對可以攞5以上。

b)安排好時間
冇人可以廿四小時日日操卷，寫好屬於你自己既時間表，幾時溫書幾時休息，邊日溫邊科，邊日咩都唔做/出街行下(最好唔好玩電腦，一玩就返唔到轉頭，連帶後幾日既計劃都會流產)
例如
每日早上八點去自修室溫書，晚上回家食飯，睇完西遊記瞓覺
星期一 中文，星期二 英文......星期日休息/行信和
重點在於有規律，令你精氣神氣保持最佳狀態，唔係一味通宵死溫爛溫

c)如果你夠勇氣，鎖起部電腦，交俾父母/信得過既人看管。
事實上當你搵齊past paper同答案，你既電腦已經冇用，就算有唔識，書本、老師、同學、題解、過往既練習/工作紙都幫到你，唔需要用電腦。

d) 補習
雖然老套，但係有用
學唔到知識
但係學到考試技巧，同理清概念
只需要補你最弱果一科
唔好痴左線咁補全餐
你唔會有時間同精神整理補習到既野同溫書

e) 個人小小建議
唔知你成績唔好成點(lv 3個range都可以好大)
你而家應該要打好基礎，溫一次初中同中四學過既野
至少保你合格

你言之過早，你要考完文憑試定資格，並不是你想怎樣，就點樣應付，考試冇公式，你只能全力以赴你眼前事，人人都有一次機會，你的將來並未發生，無法預計。

1. No comment. As every single person can tell you that luck is involved in public exam result.

2. Yes - those are in low demand, like religious studies.

3. What you said is true - when the system was first introduced, there is no plan for bridging.

It is the reason why slots for UGC programs have been allocated mostly via JUPAS.

4. 2 years. You are supposed to bridge to Year 3 after Associate's Degree.

5. Simple - no 4 in HKDSE, then you can forget it.

6. Simple - either study everything and pray for luck (picking).