我既人際關係實在太差.....好擔心改變唔到現狀.....

2014-06-03 5:21 am

我讀中學小學果陣成日比人欺凌,
完全係痛苦同黑暗既經歷,
呢D衰人仲經常帶動其他同學一齊集體欺凌我,
而同我曾經比較好傾既同學亦因為呢D衰人而疏遠我,
甚至出賣我/同我反面,
果陣一直過住以淚洗面既日子,
可以話叫破喉嚨都冇人知冇人理,
幾乎陷入抑鬱同精神崩潰既邊緣,
當時既感覺真係比死更難受,
可能唔多唔少因為咁搞到冇心機讀書,
成績亦搞到好差,
呢D感覺一直影響住我,
亦都一直走唔到呢個痛苦既漩渦,
亦因為唔多唔少呢個原因搞到唔敢去主動接觸新識既人,
亦唔敢再完全相信人同對人完全講真話,
因為好擔心再次受到傷害同被出賣,
開始唔敢再相信呢個世界有好人,
覺得大部份人都係膚淺,
甚至擔心連講一句說話都會好似中學/小學時代咁比人惡言相向,
我最擔心既係畢左業之後都有機會撞返佢地呢D衰人做同事,
實在好驚比人知道我有段咁黑暗既過去,
呢段黑暗既過去實在令我覺得好羞恥,
因為我相信大部份人都會睇唔起我呢類人,
甚至覺得我係自閉/弱智,
真係好擔心比人知道我有段咁黑暗既經歷之後會笑我同捨棄我,
亦擔心呢D衰人再次不停係其他新同事面前舊事重提同令所有新同事孤立我,
令所有新同事都因為D衰人既說話而當我係敵人,
搞到我係公司完全孤獨同自閉,
甚至因為聽左呢D衰人講既野而陷害我或者諗計令到我比人炒.
雖然我都有嘗試同自己講要主動識人同忘記過去,
但我仍然都係做唔到,
我真係唔想再咁落去,
好難得畢業後情況先開始好少少,
但係我依家讀IVE都係仍然識唔到朋友,
特別係分組做PROJECT果陣就好驚,
我真係唔想咁樣落去,
因為出黎做野係需要好既人際關係,
我真係好擔心因為咁搞到係職場既人際關係受阻,
我真係覺得自己搞到人際關係咁失敗完全係呢D衰人既責任!
真係想知呢D衰人點解冇報應!
覺得如果唔駛撞返呢D衰人做同事已經偷笑!
我真係唔明點解咁多人都話懷念中學既時代,
但我就絕對唔認同,
真係永遠都唔想再返到中學既時代,
對我黎講當時可以話係完全黑暗,
可以話冇野值得我留戀,
覺得自己畢到業仲生存緊已經係奇蹟.
比著其他人可能已經受唔住自殺,
我覺得講D咁既說話既人係完全未受過苦先咁講,
根本完全唔明白弱者既感受,
甚至將欺凌當係快樂既中學回憶,
到底D人可唔可以設身處地諗下!

回答 (7)

[匿名]

2014-06-05 6:17 am

✔ 最佳答案

...應該怎麼說呢...
我也曾經成日俾同學排斥,主要原因是因為樣子,性格較內向,容易被誤會等的問題...
而且在中三時,欺凌的情況也更為嚴重,
在我面前說我壞話,在抽屜裏放已經死亡的昆蟲屍體,有甚麼事情便冤枉我...
所以我當時也經常偷偷地哭,而且我本來很愛哭的,
想法又悲觀,也曾經想過自殺的...
不過我也沒跟父母說,因為認為他們不明白我,
當時真的感到自己快會因此失控...
(被朋友背叛,小學也試過)

可是,不再接觸新認識的人真的是辦法嗎?
即使被別人知道自己有這樣的經歷又怎樣?
只要是還有同情心,人性的人也不會因此而笑你(至少我不會)!
請相信真心的人!

我在中四時,可能因為入了其他班,認識到其他同學,
所以情況有點改變了...
不過最大的原因可能是那個(可以參考哦!)~
我在那時候因為一些原因而開始看一套漫畫,
當中有一句使我改變了...
"只要笑一笑,就會有好事發生"
雖然你可能不相信,但是既然沒有其他方法,不妨試一試,
自從我開始對同學笑時,(中三同班的中四同學)他們對我也比以往友善,
所以即使面對逆境時,也要保持笑容~
不過會有後遺症的,就是笑到無法制止...
如果想保持笑容,那麼可以多看笑話和IQ題,想起時會笑起來的~

不過,我不認為你心理有問題,是真的~
因為我以前也經常在想"怎麼世界還沒被毀滅的!?",
每一個人生存在這個世界中不是沒有意義的,
所以不要再悲觀地看所有事情了...
笑一笑吧~

話說,FB那裏不是可以設定只有好友看見嗎?
而且還可以封鎖別人不是嗎?
那麼你不要理會他們不就可以了?
他們傳東西給你也可以不看的,
不然不要使用FB或使用假名字,他們便傷害不了你,不是嗎?

2014-06-05 15:51:18 補充：
在FB遇到他們又有甚麼問題?
他們是有使用FB的權利,而你也有無視他們,反駁他們,不理智他們的權利,
何必要害怕呢?
或許他們現在也認為之前這樣對你是他們不對,
如果他們也沒有後悔,那也沒關係的,
因為除非你這麼'幸運'在現實世界中遇到他們,
否則他們已沒有方法在現實中欺凌你了!
所以放心和放下這些想法吧,會輕鬆多了的!

2014-06-06 18:20:31 補充：
啊...
發現錯字,
第二行是'他們是有使用FB的權利,而你也有無視他們,反駁他們,不理會他們的權利',
不是'不理智'!

👍 0 👎 0

Bruce

2014-06-13 9:22 pm

我最擔心既係畢左業之後都有機會撞返佢地呢D衰人做同事,(你現在是未工作）我真係唔想再咁落去,好難得畢業後情況先開始好少少,但係我依家讀IVE都係仍然識唔到朋友...我有嘗試提自己"未來"(你現在是未工作）做野要主動接觸同事,只怕FB串連會從其他人既朋友名單/TAG相撞返佢地, (多少政要，高官都比人說三道四，只要是問心無愧，公道自在人心，人在做，天在看，無理的是錯在別人。)好擔心再次孤獨/自閉.....令我愈黎愈對世界產生憎恨。（我覺得你想像力太利害）工作的選擇其實有好多，舊的不愉快要放下，只要你對人好，將來一定有朋友。從你的說話中，例如令我愈黎愈對世界產生憎恨，你比較主觀，而且完全看不到你有謙遜的涵養。簡單一點，你的言詞我感覺唔到你有涵養。我希望我的感覺是錯，問題是否存在對你未來好重要。

👍 0 👎 0

用戶40817

2014-06-10 11:31 pm

首先要明白被欺凌並不是一件可恥的事，不必為這事情覺得自己有毛病或比其他人低一等。欺凌事件中，需要可恥的欺凌者，而不是受害人。
另外的問題是在職埸上，你覺得自己的人際關係很差，交不到朋友，可能或多或少會因為你的過去令你不再敢相信別人，但這同時亦會影響你與人的相處。當你明白，你的過去並不是因為你的錯而導致，這或會改變你與人相處的模式。其實，只要笑容滿面，多打招呼，其他人必定會對你有好感，要對自己有信心。
另外如果真的覺得非常困擾的話，可以跟朋友傾訴，或者可以搵我地夜貓大使傾嫁
我地既whatsapp: 91703714, facebook/ skype: [email protected]
或者上夜貓ONLINE既CHAT ROOM

👍 0 👎 0

[匿名]

2014-06-09 8:33 pm

可以看下人際關係的書

👍 0 👎 0

[匿名]

2014-06-08 3:14 am

同自己講（個D衰人只是你人生其中一部分的過路人）有時候不需要對他們太過認真或上心，他們不值得！把他們全部忘記，努力！有記得呢個世界仲有人支持你（eg.家人）如果仲有咩事可以同父母傾下（轉校/工）

👍 0 👎 0

Sumyee

2014-06-04 1:38 am

你要反省一下自已有冇曾經做過錯事得罪人地
或者你可能有D不好的性格令人覺得你很討厭
定系D衰人覺得你樣衰,好蝦就欺凌你?

你有以下幾種方法可以解決:
1. 改善自己的性格
2.如果你得罪人地,要say sorry
3.警告班人,大聲罵D人
4.找社工幫助