我有一個煩惱想唔通~~希望有人可以幫下我啦

昨天我之前鍾意既女仔(Janet)突然Whatspp我，佢話比人飛。跟住佢主動約我出黎，我地就去左唱K，其間佢有喊，我見到佢咁心都痛埋呀，我就主動攬住佢安慰佢，但絕對無做任何非分行為呀，其實我仍然都好鍾意佢的，到最後我送左條手繩比佢，之後隔左30分鐘就whatspp佢，用文字去安慰佢，內容是 : [ 返到屋企好好休息(其實佢有少少病的)，記得食藥，記得用水送呀，我放左條手繩係你個紙袋裡面，我一聽你啲唔開心事，我唔知送咩比你好啦，我只係唸到屋企有個玩具可以整到手繩的，雖然好小玩兒，但都幾有意思呀，希望你會唔介意我的小朋友玩兒啦。我真係唔識講咩，我只係知道你唔會孤軍作戰，你仲有我呀，你有咩事，我都會擔心的，我唔會唔理你，唔會離開你，即刻CALL我啦，因為我都好鍾意你的，所以我更加唔想自己鍾意既人受到傷害的，能為自己鍾意既人做事，我覺得係值得的 ] 。我同Janet的小小背景，我地係上年認識，我好早已經知道佢係有男朋友，所以我先沒追下去。Janet好信任我，日子深了，漸漸愛上了佢，佢亦都知道我鍾意佢的，經常約埋幾個同事去食糖水，食野呀，經常都係我就送佢返屋企的，經常whatspp傾計傾心事，一直保持良好關係至今。我記得佢講過唔會喊係我面前，但今次都忍唔住喊左出黎，攬住佢既時候見到佢既眼淚滴係我件衫到，可想以知有幾傷啦~~~心痛心痛

我有幾個問題想請教::
1. 其實我仲有什麼事情可以幫到佢呀??
2. 我知道絛路難行，但我從來無想過放棄，只係有時想過唔唸，一直係咁慢慢等，
咁做對嗎?
3. 我一日一whatspp好唔好呀?
4. 佢話下次再約過，係咪即係有機呀??
5. 如果有梗多意見,請隨便講

謝謝~