請入黎吧 看看我的故事 我是雙重性格還是怎樣了?

我而家中二
小學嗰陣我好文靜 同每個人都算係朋友 冇咩特別
大概由小6開始 我都唔知點解 一有新同學調去我隔離
我就會好抗拒 熟左之後就會慢慢變到同佢性格差唔多咁
好似有一個同學 佢好變態 成腦都係黃色思想
佢一調黎我隔離 我就變到同佢一樣變態
有時同同學單獨放學嗰陣 會唔知做乜突然唔想講野
佢問我做咩唔講野 跟住撩我傾計都好 我都係唔想講野 最終一粒聲都冇出到

升上中學之後 我一開始時好變態 對d新同學好熱情 成日講笑
過左一兩個月之後 我嗰個變態ge性格就開始淡化左 變到好冷寞
當我愈識愈多朋友之後 慢慢我就愈黎愈開朗 對陌生人都可以好似熟人咁
之後d朋友同我講番 都話開學時以為我好cool 好難接近
我一直都好平淡 冇咩特別 冇擁有過best fd 冇遇見過知己
後來 我識到隔離班一個人 隔離班d人都好唔中意佢
因為佢太癲 太霸道 講野又超大聲 但因為我乜都無所謂 反正冇乜特別ge朋友
就同佢慢慢做左fd 另外仲有5-10個人左右 佢將我地組成做一個team
但我都冇乜所謂 反正我通常都係自己一個 冇咩特別
我地放學後或放假成日一齊挽 雖然我一心諗住番屋企 但反正我番到屋企都冇野做
我地就成日一齊 佢成日同我地講隔離班幾個人ge事非 都係我唔識ge人
佢地係公敵 佢將佢地講到好衰好賤格 慢慢我就比佢影響到 覺得佢地係佢講ge咁
我地一齊挽ge時候 我大部份時間都係行後面 唔出聲 反正我慣左自己一個
中秋節一齊挽完後 佢無啦啦話我係佢best fd 我覺得無所謂
雖然唔係好想 因為我對佢冇特別ge感覺 但都無所謂了 反正我沒best fd
其他人鬧佢ge性格有問題 我都係話每個人都有缺點架啦

升到中二 我識到佢講ge嗰班人 我覺得佢地並唔係佢口中講ge咁
我從無所謂開始意識到 佢講ge野根本就好主見 我點可以憎一d我唔識ge人
我有試過同佢講呢d野 叫佢地和解 佢就話無可能 次次都係咁
過左幾個月之後佢地和好左 我好無奈 係呢半年間
佢成日都有又憎呢個又憎嗰個咁ge 但我都覺得佢憎ge根本唔係佢講ge咁
我慢慢地覺得佢成日講事非真係好有問題 我成日都聽佢講事非
我想同佢傾心事佢就打斷我 然後又講事非 佢仲好有佔有欲
我想同其他人fd d 佢就話佢地想R走我
佢改變左我ge生活 令我從平凡得到更多美好回憶
1.對住呢個朋友 我應該點做??

有好幾次對住社工都老師我都會成個人變晒 變到好沉靜好冷寞好陰險
變到我都唔信呢個係我 一副高傲ge樣 一副想殺左佢地ge樣 好似仲feel到有危機感

我好中意睇鬼片 我由小學一二年班已經開始睇恐懼鬥室
睇恐懼鬥室時 我會覺得主角殺人方法好完美 睇到好high

我d親戚侮辱我嗰陣 我發誓大個一定會報仇
我成日想自殺 自殺左就可以好輕鬆 冇咁多煩惱
2.有人能理解我嗎 有沒有跟我一樣的人 如標題