同條女表白被拒佢send左我d表白內容上d群到

其實表白衰左 好易處理
就係過冷河
一邊過冷河 一邊擴闊自己既社交圈子

但係今次情況唔同
就係個女既將你表白公開曬出黎
就咁睇落去好似對你好不利
但係實際上...對你百利無一害

首先你千期唔好同人講你係玩玩下又或者唔認真
因為咁樣你只會7得更加緊要
你應該要比人知道...你係真心鍾意佢同好鍾意佢
咁先會有FD支持你

我簡單解釋下...
因為你同佢表白自己既心意
佢將你既心意係群(唔係私下同FD講)爆大獲
其實係一種好唔尊重既表現
事後佢仲要話咩都唔知
更加係不負責任

所以你要做既...就係比人知你真心鍾意佢既同時
心底慢慢放低佢+唔好再諗住同佢一齊
之後你要過反正常既生活 比人睇到你堅強既一面
呢段時間可能會有好多"間諜"黎問你
"係唔係比人飛左牙"
"仲鍾5鍾意佢牙"點點點...啦
全部無視~唔洗答
D人見你無咩反應過一排就唔會再4圍傳

最重要就係...唔需要避忌什麼
班會活動有佢? 我唔去啦...<---呢D情況係小家男先會出現
大大方方咁所有活動照去 視條女如普通同學
咁樣就可以比人睇到你大大方方成熟既一樣

點解我會話對你百利無一害
就係因為只要你跟住我方法去處理得妥妥當當既話
呢個根本就係一個免費宣傳 宣傳你係一個堅強大方既男仔!

加油!!!支持你!

你可以理直氣壯咁同人講
「係！我係鍾意佢，但已經係之前既事，當佢放D表白內容上群之後，我睇清楚佢個人，所以而家我已經唔再鍾意佢！」

算啦, 嘅然她都話唔知點解, 你都迫唔到佢.

d 同學好快會唔記得o家啦.

若你唔差, 或者你可以借這個這群組同另一位女同學表白呢.

好多人追女仔都用群衆壓力啦, 多d人講或者會有用呢.

SEND都SEND左啦,,
一係你就同佢講下,
叫佢DEL返啦..不過知嘅人都知嫁啦.