大學站到上環站車費

由大學至上環MTR 學生優惠車費為 $7.5. 可透過以下網址 http://www.mtr.com.hk/jplanner/flash_chi/index.php查閱

港鐵只係點對點嚟計價錢, 無論你點轉線都係收頭站至尾站價錢.

大學站至上環站學生八達通價錢$7.5 (只適用於東鐵綫普通等).
如果坐頭等, 學生八達通價錢$13.9.
(計算方法: 原本學生價錢$7.5 + 頭等額外費$6.4 (額外費相等於東鐵綫嗰程最低成人價錢, 呢個情況之下額外費相等於大學去九龍塘八達通價錢$6.4.))

如果使用頭等, 入閘之後喺月台第9卡位置 (紅磡方向頭等車廂) 設有八達通頭等核准器, 只需確應八達通就可以坐頭等, 去到九龍塘落車唔駛再確應, 到上環出閘會扣$13.9.
如果使用普通等, 照入站同出站拍卡便可.



如果使用單程票就無學生優惠, 要購買成人單程票 (特惠單程票唔適用於學生):

大學站至上環站東鐵綫普通等成人單程票$17.
而且頭等成人單程票$23.5.
(計算方法: 原價$17 + 額外費$6.5 (相等於東鐵綫大學去九龍塘成人單程票價錢))

普通等/頭等單程票都可以喺大學站售票機購買.



另外, 如果使用學生八達通去紅磡轉西鐵綫去尖東, 喺尖東出閘之後30分鐘之內前往尖沙咀站再入閘搭去上環, 都只係會收大學至上環價錢.
(尖東出閘先付大學至尖東普通等$4.3/頭等$10.7, 再去到TST入閘, 到上環出閘補返$3.2).
如果使用單程票, 就要去到TST再購買第二張單程票, 不過如果去九龍塘站轉線就唔駛 (觀塘綫/東鐵綫收費區統一).
不過唔建議咁轉法, 雖然停站少啲, 不過始終尖東站行去尖沙咀站已經要行6-10 mins左右, 而且西鐵綫班次較少, 唔會快得過九龍塘站轉車咁多.





其實你自己可以去港鐵website 搜查車費同車程詳情:
http://www.mtr.com.hk/jplanner/flash_chi/index.php

同時港鐵都有智能手機app, 都可以提供車費/車程詳情, 可以上Play Store/App Store搵.
http://www.mtr.com.hk/chi/whatsnew/mtrmobile.html

轉幾多次線都係計你起點站到終點站既錢,你大學-上環就要7.5(用學生八達通俾)

只計頭尾站，隨便你喜歡點樣轉。