我讀唔讀得西廚架?

我依家18歲，番緊學，學電腦既野，

但我讀左超過半年，發現我原來鐘意企多過坐，

對著電腦唔郁真係好辛苦。


之前我番左2個月part time，

做廚房野既，有KFC、吉野家、爭鮮，

吉野家既時候洗左7日碗，8個鐘勁洗，由下午3點洗到夜晚12點，仲要負責4個大飯煲，加上在煮面既地方幫手出餐。之後無做係因為我聽力問題，我聽唔清楚D食單，又記唔好，我自責所以無做落去...

KFC 走係因為人事關係太過差，有一個廚房佬激走哂D新人，係唔係都搵事向人發脾氣，最後成個廚房得我同佢，我地傾唔埋，於是我走左無做，有經理仲埃我唔好走，又恐嚇我咁。走個日我超憤怒，將廚房D雞整哂出黎焗，加加埋埋都有200幾隻。果時我都仲日日係好似屎水既盆度洗野，D屎水滴到我個口。仲有好印象深刻既係，做廚房最緊要快、靚、正，仲比人屌醒左，你依家係現實社會，唔係屋企扮家家酒，做人要成熟D!

爭鮮我就做最長，每日番5粒鐘，1個月放4日咁。我日日幾乎整同一種壽司都唔覺得悶同辛苦，更多時候係想做得好快同埋整得靚仔D比食客，1日都整左50幾盒，400粒壽司。以前真係我做得慢被主任針對，日日被佢插... 不過算啦，至少其他同事都對我好好，所以我enjoy。其他工作就係洗碗、洗雪櫃、執倉、執食材、推貨、拎貨(D魚都成15KG )，仲有就係幫阿婆去垃圾場倒垃圾，我都未怨過。


讀廚會唔會岩我? 我唔係好鐘意食野，但係enjoy 煮野熟能生巧既feel~

我自己隻手怕熱，呢樣野我克服緊，果時KFC 日日被迫在250度高溫焗爐拎野慢，

成日被人屌，果條廚房佬真係完全唔驚，雙手拎野食出黎，速度超快lor...

煎野無問題，被油彈到唔算太痛

之於做凍野無有怕，最拿手


我唸我轉科既話要自己負責比錢，可能邊做part time(可能係廚房)，邊番學