發左一個好恐怖又血腥既怪夢, 好驚~ 求解夢高手解答~

我發夢我係架車入面, 揸車果個係我男朋友. (我坐係後座) 係郊野, 周圍好黑好恐怖, 好多鬼, ( 見唔到但知道).
我即刻話快D關哂D門窗啊~ 之後我已經即刻禁左關&鎖門窗.
D窗夾斷哂D鬼既手手腳腳, D血濺哂落司機既眼同面.
呢個時候我已經唔清楚果個係唔係我男朋友! 因為佢全程無出過聲, 佢俾D血濺完就想擰過泥. 我好驚完全唔敢睇. 又驚因為呢一下停左落泥我地比鬼追到.
架車一路行, 好顛簸, 一路行一路周圍都係D鬼手手腳腳撞落架車既咯咯咯咯聲, 同埋D手腳拍打架車既聲音. 好恐怖


之後我夢到我同我男朋友係間屋房既床度, 我地一齊訓緊. 間屋仲有另一張床, 係我個情敵訓緊 (呢個女士之前不停找我男友. 時常半夜打來, 和時常約佢, 但他們最後是無野的)
之後她不停做好多小動作, 因我們都在睡沒有理會佢,
最後佢發脾氣說這張被是佢的, 這件和那件都是佢的, 搶走我們床上一些東西, 又放番D野落泥.
最後她又換上貼身性感衣服係客廳發脾氣, 和走來走去.



之後原來訓緊覺的床是係班房裡, 上課途中我才發覺自己手上拎著香煙, 但我一路無食的. 我立即弄熄佢, 但冒出的煙給老師發現.
他召我出去訓話, 我解釋我並不是故意的,
然後他笑笑口打量我說: 如果我無記錯你今年都30歲喇河, 你自己諗下啦, 30歲都未畢業.
然後冷笑走了
(當然現實中我已大學畢業8年了, 但夢中佢係話緊我30歲中學都未畢業)

*****************************************************************************************
由於已好耐無發過D咁奇怪既夢, 尤其是第一part. 印象實在太深刻, 請解夢高手幫忙解答一下! 一萬個謝!!!!!!!!