麻煩KEN師傅指點,感謝! 煩惱中

網友好：
最近事忙，
要3/6/2014才可回覆，
請諒！

2014-05-30 22:40:50 補充：
由於匿名 者太多，
請把問題連這網些再寄來一次。

2014-05-30 23:34:12 補充：

為保障網友的私隱，在此不公開妳的八字。
主要想問工作同感情。工作方面：2013年轉了兩份工，兩份工作都係被炒。由十一月尾，失業至今。想問何時會搵到一份穩定嘅工作？ 答：網友大運由30-59行三十年運。入運要混亂三至五年。工作運要33-35才有改善。加上妳學歴唔高，而家真係要騎牛搵馬，乜都做住先。 感情方面, 之前見過一個師傅佢話我適合搵年長結過婚但離左婚或者同過居嘅男人。所以想問幾時才遇到正姻緣? 答：網友五行屬木，而五行的金是代表妳的夫星。因金剋木，剋我者為官殺，女命以官殺為夫但網友本命土太弱也。呢種我地叫無夫命。網友八字夫星喑藏，一生要慎防戀上有婦之夫或有女友的男人也。 此情況要嫁唔正常姻緣。 如嫁大自已十年以上的男仕，又或細過自己一年的男仕，又或外國人又或離左婚的男人較好。 每到馬年、猴年虎年都是妳的桃花年，即2014會遇上有心人，結婚年是2020/2021 老公為人心地善良有人情味，找男友宜留意以上性格的男仔。
現在對一個男仔好有興趣, 但不知道有無機會發展。男仔生日號。麻煩KEN師傅指點一下！衷心感謝!答：呢個男仔性格心地善良有人情味，可放心發展，女追男隔重紗也。仲有乜野想知？ ken





2014-06-01 00:27:23 補充：
有甚麼類型的工作比較適合或不適合?
我本身係讀設計，但以往工作都係 Marketing & PR. 較熱衷於Fashion/ Fashion accessories，一直想搵做有關時裝業既Marketing工作。入呢行岩唔岩我？ 創業適合嗎？
答：
呢條問題問得好。
網友由30-59行食傷運，
最宜做用腦之工作，
如諗計度橋，幕後策劃的工作。
設計的工種。
創業當然可以，因正開始行運。

2014-06-01 00:27:43 補充：
咁我算唔算屬剋夫?
答：
是。不過唔係剋死佢^^
其實係咁嘅：
網友五行屬木，30-59行辛巳、壬午、癸未大運，巳午末都屬火，
木生火，我生者為食傷，木係妳自己、火係食傷，金係妳老公(官殺)
因為火剋金，食傷剋官殺。所以呢30年係行剋夫運，
代表妳在呢30年會嫁個唔行運嘅老公，
做嘢會辛勞過老公。
所以唔好祈望嫁左做少奶奶！
妳個老公係比到妳嘅係精神滿足而非物質。
婚後夫妻姻愛，一段姻緣到尾。

2014-06-01 00:28:06 補充：
2014會遇上有心人, 是指會開始拍拖／暗戀／有人喜歡？
之前一個師傅佢話我虛齡32歲(2016)，36歲(2020)時好大機會會結婚。而你指2020年係結婚年。咁2016年應該不是？ 現在的那個男仔, 我唔會剋佢嗎？其實我和他處於曖昧中, 我亦沒有太主動。你指可放心發展, 我和他性格合得來嗎？他是那個有心人?
答：
從八字睇好夾，男仔係正印格。
人比較被動。
妳要大瞻主動一D，
我批命多年，女仔多數鍾意等人追。
結果守株待兔，錯失良機也！
仲有乜野想知？
ken

2014-06-01 22:01:16 補充：
你指我會嫁個唔行運嘅老公，咁係唔係我會影響佢？駛唔駛憂柴憂米?
答：
當然唔係，有D人一生唔行運，
但係都有唔錯嘅生活。
駛唔駛憂柴憂米?
當然唔會^^

咁我晚年生活點呢？我有機會在外地生活嗎？
答：
晚景安樂，唔使擔心。
命無驛馬，移民機會微矣。

另外我有無特別乜野年份，要注意特別咩野事呢？
答：
無，但一生要留意泌尿系統問題。

仲有乜野想知？
ken

2014-06-05 05:31:10 補充：
其實今年我媽喺黃大仙幫我求簽，姻緣：78。算係好簽？
七八籤 上吉　古人占驗：曾點論志
瑟希鏗爾尚留聲，春暮時剛春服成；冠五六人童六七，舞雩歸詠暢幽情。
曾點，春秋時代魯國人，不但文思敏捷、心地善良，而且隨遇而安，很懂得因應時間去做適宜的事。這支簽，是曾點向別人說出他最大的愿望 :希望和諧的琴聲，到處飄揚﹔在暮春三月，穿上剛剛縫好的單衣，帶著五六位年青人、六七位兒童，虔誠地去做完了求雨的祭祀，歸家途中，心安理得，放懷唱詠。求得此簽問姻緣，大仙批示今年可得。

仲有乜野想知？
ken