頭髮稀疏既煩惱，頭痛不已

對於我自己頭髮稀疏既煩惱，頭痛不已。


係我細個既時候，指既係我未有個人意識的那段日子至小三，我既頭髮並冇稀疏，而且頭髮都幾濃密，頭髮黑,長,厚,滑集一身，由細個既時候我屋企人就會用力把我D頭髮梳,綁起來成為一條馬尾，D女仔都會問我點先可以留到咁長又咁好，D男仔好鐘意摸我D頭髮。

我自己好鐘意食甜野，但同時我亦好鐘意食蔬菜生果肉類，汽水飲唔少，水,牛奶亦飲唔少。我從來都沒有電曲或拉直頭髮，更加冇去染髮(雖然好想)，亦唔鐘意GEL頭。細個既時候有一段時間曾經把洗頭水同護髮素抹錯位置，但之後已經改了。現在我都係天天洗一次頭，水溫剛剛好，洗頭及抹頭方式都會很溫柔，平時睡醒梳頭亦都唔會好用力好粗魯，亦都冇再綁頭髮已經好多年。我家人至親戚都幾乎冇一個係頭髮稀疏，只有一位男親戚例外。

雖然我既生活壓力都幾大，但係我都冇脫髮的現象，不會在枕頭或洗澡時掉很多頭髮，但係我有頭髮稀疏既現象出現，不是那種圓型的，而是頭頂接後腦的一段位置,左右兩邊頭髮稀疏，算唔算係彌漫性脫髮?依家都係用其他頭髮姐住，但係姐唔到幾耐，只要頭髮一亂或有風吹起就很容易睇到，會俾D頭髮濃密但無聊又唔理人感受既人係到當街指住黎話黎笑。我真係好想好自由咁係屋企自己去整好想要既髮型出街，好想唔使用頭髮去姐住又怕露出黎俾人笑，好想去髮型屋唔使怕俾人笑，好想去髮型屋剪頭髮自己鐘意點整就點整，剪邊個就邊個，染咩顏色既頭髮都可以，唔使十幾年黎頭髮既髮型都冇咩點變，黎黎去去都係咁，自己都好厭，但係頭髮唔夠冇計。

我自己都試過一D產品使係冇效，我自己都試過一段時間食蝦,豆腐之類的食物都冇咩用，我自己都試過睇街症轉向私家睇頭髮，但係私家醫生同我講我D頭髮都唔係好嚴重(但係已經係好明顯，明顯到我同人地都會睇到)，又話查唔到我到底係因咩事而咁樣，佢從來都冇睇過咁樣既情況，叫我自己上去做身體檢查，睇完私家之前試過俾左支洗頭水及藥我用，但係都冇咩用。我都唔知到底係唔係因為由細到大都俾人咁用力整D頭髮先咁樣，總之我依家咩辦法都冇，想做既野都做唔到，睇到D頭髮濃密既人就無奈(有D係又煙又酒又嫖又夜訓，凡係健康既野食同水都好少食，多數食M記呢D食物，又成日整自己個頭，又GEL頭,染頭好多次,電曲拉直都有，但係頭髮都係一D事都冇....相對自己都冇咁樣，但....唉)。

其實我係唔係只可以一世咁樣落去?我真係好希望頭髮可以濃密返，可以唔使頭髮稀疏冇自信，日常生活又麻煩又辛苦，我重要係女，又唔係男咁話剷光就剷光，剷光都重可以俾人讚型,有男人味，但係我女一剷就...唉....點算好呀?