男仔對異性好朋友都係咁??你係男仔就入黎啦~

咁睇黎佢又真係對你幾好bo~!
但係, 你真係肯定佢對其他人無對你咁好?
你依家覺得係金錢上既問題令有點無奈姐~

問: 我有諗過買禮物比佢,但平時其他fd生日我都唔會咁做,會好麻煩而且又怕對方唔岩用曬左

其實你想送既咪送囉, 送野最緊要講心意, 你同佢咁熟點會唔知佢中意啲咩丫XD
(e.g. 電話殼)

問: 我既想法係,以我所知佢冇咩女性朋友,佢而家同我做左好朋友就想對我好D,我咁諗合唔合理?

照你既陳述, 佢對你好特別。既然你得到佢其他朋友都無既待遇, 佢當你好朋友所以對你好哩個理由似乎唔成立~

問: 其實如果我一直比佢請食飯有無問題架?

又無話有無問題既~~　佢請都係想你開心下掛.. 如果佢請仲更加搞到你唔知點好, 咁你就唔好再接受佢請啦... 不過, 都係嗰句: 最緊要大家開心!

問: 仲有點解佢咁堅持要做我隻兵?男仔會想做一個自己唔係中意既女仔既兵?佢已經有其他中意既女仔,又唔係中意我...

可能佢講下姐..有或者你唔中意人收兵所以好介意佢咁講~
同埋, 你又點可以咁肯定佢對你一啲感覺都無呢?..
講到哩度, 你話佢對你唔感覺我就唔信啦~~~~
佢對你同其他人好唔同, 我意思係唔單止佢請你食飯/送野, 而係佢肯話時間同你進行心靈上既交流, 就算佢同你傾計係傾其他人既野都好, 咁點解佢剩係搵你一個又唔搵第二個呢?..

其實..又有邊個男仔甘心做隻兵呢?
佢做咁多野, 可能都係想試下你掛..(?)

男人個心點諗真係比天氣更千變萬化~

佢可能:

1 真係當你係妹妹, 當兵係講笑
(我都係咁對我妹, 但我好少請野食, 送野就有既)
[證據: 傾訴對象, 乜都講得, 係學校扮唔識, 怕人誤會]

2 當你水泡, 當兵係等你有錯覺, 萬一比心儀對象拒絕, 就搵你做後備~
[證據: 同你係學校扮唔識, 但學校以外就好熱情]

3 佢中意你, 想試下一齊既可能, 而當兵只係借口
[證據: 對你非一般好, 又請食飯又送野, 私下同你好close]

總之一定唔會係普通朋友咁簡單…

但仲有無其他野?..
佢又有無同你講佢中意嗰個女仔個名架?...

記住: 佢對你好, 佢都可以對其他人好好, 佢又請食飯又送野, 但你點知佢私下同其他人關係點呢?...

Sorry for 1999
希望幫到你><..

p.s. 我係男。

2014-05-24 01:03:32 補充：
我地唔止係普通朋友，係好fd同算係知己掛...
我知佢暗戀邊個啊，同埋佢話唔好係佢暗戀個女仔面前咁close，唔想果個女仔誤會...
btw 唔係話男仔通常唔會講咁多心事感情事比自己中意既女仔聽架咩，咁睇佢咪唔係中意我囉

^
咁又係既...但佢係咁請食飯同送野真係點都講唔通lol....
但照我睇就唔止係好fd咁簡單, 應該比好朋友更高, 比戀人次一級~
我心目中都有咁樣既人;)
(妹妹只係個名only, 最緊要係你係佢心目中既位置!)
其實...暗戀fail既機會率好高, 通常會好辛苦!!
所以, 你一定要好好睇實佢啊!!
有一個可以同你分享心事既人係非常難得架!!

2014-05-24 01:04:17 補充：
sorry啊, 我岩岩番hk先check郵箱(laughcry)