我中意左個男仔,個男仔又中意第二個,點算

就你形容...其實我覺得你對個男仔未必真係鍾意...
原因係 你話你係無人緣既女仔...姐係代表朋友同關心你既都唔多
如果有個男仔可以為你做咁多野
又主動搵你傾計...TUM你...約你食飯
你心入面好有可能產生左一種依賴
而個男鍾意既女仔同你性格完全相反...
證明佢會比人緣好(多數活潑開朗) 既女仔吸引
個男其實講個幾句"好葡萄" 又話點點點...
我想提醒樓主 唔好比人幾句甜言蜜語LUM到溫溫鄧鄧
話唔定佢只係想收"兵"! 佢無公開STOP傳言...又只係"私下"先對你好
感覺好唔真實

我有2個SUGGEST比你
比你2個情況用
第一....如果你話你 諗得好清楚 你真係好鍾意呢個男仔...點都想試下追佢既
首先你要做既
變變你既形象...
原因係: 就你比既料 以你依家咁樣...應該唔附合個男仔既追女要求(你自己都知)
性格其實好難改變
所以就由你形象入手啦
形象就好似話...UM...你人緣差..就試下主動搵D朋友傾下計
例如搵D其他男仔 同其他男仔傾下計 吹下水
等佢緊張下都好, 如果佢唔CARE...你咪當識多D朋友 等自己唔洗咁依賴佢LO
鍾意睇書既 多D去圖書館/比D固定時間去圖書館
睇下佢會唔會主動去搵你(不過通常都唔會:P)
ANYWAY你都鍾意睇書就無所謂啦
鍾意運動既...多D去操場打下波什麼既~~
總知表現多少少你既優點
有時同佢出街 就化個淡妝(唔識就上YOUTUBE睇下又得 問朋友又得)
等佢有機會睇下你不為人知既一面
可能有機會佢對你改觀(好似唔再話你樣衰)
著多D鮮色衫啦(有活潑既感覺)
PS: 打扮化妝唔係我專長...以上著咩衫都係我個人感覺,,你應該問下朋友
其實重點就係...你要摸清佢到底鍾意咩種類既女仔
之後對症下藥 一步一步咁改變自己
到你改變左自己形象 你自信心高D...性格就會慢慢跟住變:)

第二...如果你想試下放低既
其實咁樣比較舒服...
你只要唔好咁依賴呢個男仔...出去識多D朋友 男又好女又好
到你朋友開始多...關心你既人開始多
呢個男仔既地位就慢慢降低架啦~
你又唔洗受佢氣(又話你樣衰, 又話自己鍾意邊個邊個...)
你又唔洗花心機去改變(因為會有男仔鍾意你呢種女仔)
一開始既時候係會唔慣...但係只要搵D野做下
分散下自己注意力 其實過左一段時間你就會適應

總括黎講
目前你可以做到既唔多
一係 改變自己 去試下追呢個男仔
一係 學識放低 擴闊下自己既生活圈子
無論你選擇邊條路...
你都有機會突破到自己!
加油
希望幫到你

一個男孩真心喜歡一個女孩的話，他不會在意對方的長相好不好看。若他心裡一直有你的存在，是絕對不會喜歡別人的，除非發生特殊狀況；如果他是那種花心的人，就不要把心思放在他身上。
要是互相呷醋的話，就已經證明了大家依然在乎、在意、緊張對方。

i think you can 同佢傾一傾

樓001 講得唔錯喎, 識多D朋友仔, 講野話題多D有技巧D, 改變一下外觀.

就算無辦法同呢個男仔一齊, 都可以為將來做好準備呀, 係唔係? PM 我, 可以做朋友.