盜竊案...請問我依家可以做D咩, 5月23日就要上庭

幾日前 , 我在服裝店盜竊了約1000元服裝
出門時被職員攔住, 之後佢地話懷疑我有野未比錢, 帶左我去佢地店舖既電腦房..
期間我都好合作..之後到左電腦房我都承認左偷野..之後佢地就報警,
其間我好驚...係間電腦房行黎行去求情..
之後職員叫好唔好行黎行去, 要我坐低等警察
當坐低時 我坐唔定張凳 跌左係地下 就見到旁邊有好多工具..有羅絲批,鑽 等工具...
當時我好驚..職員都扶返我起身...之後間房又突然熄一熄燈
之後我就控制唔到自己既情緒..想走..想離開間房...
之後兩名職員 就制止我...混亂間再多一名職員黎到 3人將我制服

當時我好似整傷左職員, 但我果時真係好驚, 我真心唔係想傷害其他人....

之後警察亦到場...當時我已經冷靜落黎...亦承認左我偷野, 亦搵到我有個鉗 用來剪防盜

到差館後 落口供果時 其實我都好驚, 但差人一直落口供一直都叫我唔好望佢寫咩
話一陣會比我睇,,叫我合作就會寫好D

但到最後佢都冇比過我睇任何野 就叫我簽名, 比D野我跟住佢寫..就要我寫快D
其間不斷講想我寫你好D,向法官求情就合作,,

我未有過出差館既經驗, 果時又驚 所以佢講咩就照做
之後到放我走 先有機會睇到自己既口供紙

我同屋企人關係一般..好少同屋企人傾計..我偷左野有時好似為偷而偷..有時偷左會掉左佢..我係咪有病?..
我依家唔知點算好,,.我29歲了無業冇錢...23號就要上庭了 ..我係咪會坐監....?

我真係好後悔...依幾日都失眠..食唔落野...我好怕比屋企人知道我咁唔生性......