政府强制性验窗

承辦商發出了WM13給你，表示已修妥有問題窗戶，一般會負責兩年，兩年內有事故會負責。
驗窗計劃是每五年一次的，五年時間窗户一般也不會出事故。


2014-05-10 18:38:00 補充：
二樓與三十五樓的做法的確一樣，你做工程前，不是已了解保養問題嗎？而且有多間認可商給你選擇。
三十五樓並不比二樓窗戶容易出問題，如你因高處風壓爆玻璃是不影響窗户結構的，玻璃事項也不屬保養範圍內。

首先驗完既窗,係冇一個明確既保養日期,因為驗窗並唔等同該承辦商要為你負上一個責任,而承辦商亦不能夠因為時限而推卸任何人為責任.呢方面你要攪清楚先,而家你唔係買保險,用錢去將風險轉移,任何情況下,業主係一定要負上責任.

另外係2樓同35樓既問題,其實2者當然係有分別,但就唔係用幾多樓去分,而係用離地幾多米去分,同埋窗既大小都係有分,但呢個只係工程級別既分類.工程應該點做,屋宇署有作業備考,你可以研究下.

最後問到點保證到係安全,其實係冇呢樣野,就算建築師同層樓簽左名,都唔代表佢要為層樓做任何保證,大家都只係跟數據去做野,只要冇欺騙成份就可以.




2014-05-12 17:04:43 補充：
上堂問過阿sir,做完單工程要保幾耐?

阿sir話係冇講明,基本上係一世(唔知我既一世,定隻窗既一世).

但阿sir亦有補充,原則上你係跟足入則要求去做,之後既野就叫做日久失收or意外,都唔需要太擔心.

2014-05-12 17:14:31 補充：
樓上朋友講既野,基本上我都同意,不過我就執一樣野黎講下啦.

講到保養呢個問題,基本上係冇一個明確日期,講到明要保幾耐,而保幾耐只係一個商業行為,所謂保養,亦只係有咩問題,會上黎幫你執番好咁解,而唔係要幫業主去負上一個責任.

2014-05-12 17:18:07 補充：
另外樓上朋友都提到窗框問題,其實屋宇署主要都係針對主框,窗配件同玻璃係冇所謂嚴格要求,頂多都係指引一下.

2014-05-13 23:01:06 補充：
我見你寫簡體字,相信你係國內朋友吧.

香港起既樓,有一套建築物條例去管,入面係有好多莫名其妙既法例,但我地而家唔係研究法例,所以唔詳細去講,咁講只係想表達出,有d野係唔好用常理去睇.

針對番你隻窗黎講,表面上係一隻窗,但實際上可能唔係,唔係同你講笑,如果睇番圖則,係有可能只供維修時使用,換言之,基本上隻所謂既窗,係唔預備比你作經常開關.

2014-05-13 23:01:14 補充：
唔知你明唔明我講咩,我試下舉多個例,譬如你間屋有個露台,但其實係有一半面積係叫工作平台,睇圖係有條線分開2邊,你要問點解會咁,係另外一個問題.

所以隻窗點解唔係窗,當中係有原因,但唔詳細解釋,至於做左既工程,我技術性咁答你,只要係當場出於真誠地判斷屬安全,基本上就可以,係唔需要為隻窗負上責任,除非,你證明到佢有唔誠實既地方.

香港係行普通法,大陸就行成文法,當中係有分別,所以睇法都唔相同.