請問各位大哥、大姐好心人仕答覆我一個問題

真係好心先答下你.

首先我唔可以好直接答到你,間公司係咪呃人,因為假設係一間呃人既公司,佢每個星期都可以用唔同既公司名黎登廣告.

第二件事,就係你問得出,就係想去見工,點解想去見工,因為條例好,學歷又唔使,做下d簡單野,有12000蚊.

第三件事,你覺得自己行運,撞到間咁好既公司.

其實行騙既原理基本操作都係咁樣,主要都係要令事主有心動既感覺,覺得自己好幸運,但都請記住,如果你黑左咁多年,無啦啦又點會咁好運?

總結就係,如果你做開文職,搵開都係呢個價錢,市場運作係熟悉,你自己會有判斷力.但如果你未做過呢行,連自己都懷疑緊自己係咪值呢個價錢,就請腳踏實地,搵番自己應該搵既錢.

2014-05-09 11:25:18 補充：
講單野你聽下啦.

有個朋友,做左文職差不多廿年,搵2萬幾.

某日,公司一個長期客,話想撬佢過黎幫佢手,話佢做野交帶,又做得點好點,人工就開到3萬5.

朋友對眼立即著哂燈!

之後結局係點呢,就係洗黑錢去左坐監,佢幫公司開戶口,但係自願,被迫,定係被騙去開,我就冇興趣去知,因為行第一步已經係出於貪念,做成廿年都仲咁無知,有咩好講.