急問!! 香港人移民去台灣後, 保險要如何處理?

保險公司是國際機構，人住台灣，只要按到期日交保費同樣有效，保單內容也沒有規定住香港或只受保本港。
保費可折算台港滙率繳交或香港朋友代交。

人壽、危疾可以照供。至於意外，我唔知台灣平啲定係香港平啲，不過我都建議喺台灣做過另一份，因為如果意外受傷，喺當地 claim 會方便過次次寄 claim form 番香港咁麻煩。
但醫療保險，你先搵你個 agent 攞定份 surrender form or request for change form 畀你攞過台灣。當你嗰邊搞好咗健保之後，咁就填好香港份 form，然後直接寄去保險公司客戶服務部。因為台灣健保係好全面（包埋每兩年0既身體檢查及剝牙），你喺香港買嗰份醫療除非係嗰種醫療儲備戶口，如果唔係你係浪費金錢。情願你喺當地再加多份細細哋0既醫療嚟彌補健保的不足。
喺台灣，所有人都必須購買全民健保（包括留學生），如果做緊嘢，公司一定要同你投保。

2014-05-08 02:07:03 補充：
如果你份危疾係有儲蓄成份的話，咁就唔好斷，繼續交保費。但如果係冇儲蓄成份，咁又要睇均衡保費還是會調整保費嗰種，如果係前者，可以考慮斷，亦可以繼續，視乎當地的危疾保險的保費和保額會否好過香港。但如果係後者，保費會按年齡而調整的話，咁就去到台灣買咗新單後，等候期滿前一個月，就寄番份 form 番香港 cut 咗佢。

最緊要是更改地址先,保持生效,居住適應後才決定怎樣處理. 因為一般人壽醫療是全球保障的.