請問一下有關留學的問題!!!(20点)

$500000HKD 留澳紐美加英 淨係學費+住宿都未必夠3年用/岩岩好. 要好好慳d洗.. (未包機票)

去台灣, 大陸, 日本, 亞洲地區既就應該會夠洗多d. :)

至於咩學校, 我建議你上d agent 問會好d. 記得上多幾間問, 因為d agent 可能有"代理" 所以會hard sell 某幾間. 問完再做下research 睇下你自己中意邊間, 搵agent1般都唔收費架.

留學意見係. 我覺得只係讀中3-中6既話, 咁不如留係香港讀, 大學先出國讀. :) 我自己覺得咁樣會化算d. 你中6讀完番黎都唔1定入到U, 但你係香港讀完中6去外國讀foundation/直接升出名d既U 入學機會大d, 但就可能要讀多1-2年咁..

至於你話中3-中6去讀有咩好, 就真係會學到culture, ENG (大部分用英語的熱門海外大學都有大量中國人/香港人), 其他課程都會比香港既易少少, 但係番香港再入到好d既大學就難講d. 因為講排名, 香港好既學校得大約3間 但都係好多人爭, 你到時申請non-jupas 已經少d位 仲要同1部分已經grad 左/有相關經驗既人爭, 咁但係你唔係想入熱門科/唔介意既話, 咁係香港升U都應該okay, 另外如果你係外國考得好就當然唔駛怕啦. :D 但到時既野邊個知.

咁仲有既係. 留學有好多新既野要適應, 除左環境, 人都要, 唔係個個地方d人都會好似香港人咁樂意幫人, 有d地方會歧視華人, 有d人唔會歧視你, 但你有事都未必幫你, 尤其係學業上, 唔會個個同學都肯教你幫你. (尤其數學, 外國人覺得華人數好勁..) :) 但當然都有唔少好外國人既. :) 總之留學唔係1般人諗咁, 有苦自己知.

建議你諗清楚先好下決定, 唔係去到讀先後悔就會哂左好多錢. :)

伍拾萬港幣.约相當於65,000美元.如到美國.要支付生活及學習費用.要先小心安排好至得.
例如你要揾一處有適合供應食宿及輔導你學習的家庭.睇下佢要乜嘢費用,及预定入學的學校每年的學費要幾多.健康保險.加上每年往返香港的機票.要計埋你自身的一些交通及衣著零用.可以肯定你必須好小心用錢至得.你可以選擇英國,德國,法國及瑞士.但你必須有能有毅力學好當地語言例如英文法文或德文才會真正達到留學的目標.
點解唔將呢筆錢用於大學留學用.而要在中學階段離鄉別井呢?中學階段在本港奮鬥遠比到外地容易.起碼你能運用的資源更多更易.
你可以自己向有關使領舘的文化參贊求助.要求介绍如何能接觸到各該國有意接待外國中學生留學的家庭然後再透過電郵溝通,取得须付費用資料.如你嫌麻煩,找旅行社代辦,事事唔清唔楚可能俾左錢都得唔到合理服務搞到一鑊泡.麻烦仲多.力不到不為財.一旦離家自己一定要能有條有理咁做事.外國的中學教育適合你多啲?何以見得?學生間的相處,如你外語不好.啞吧咁.唔係容易適應架.
不過,如你肯咬實牙根,努力先攻克外語,你會好自由能吸收當地文化及可在學校學到一些基本學識.畢業後順利進入當地大學的可能甚大.而你將來取得的學位一定在好多地方都受尊重.你可以憑高级知識份子的身份發展人生.
中三,一般是十五歲.脾氣大過人.但學識仍待充實.好多人以為脱出現實會好.根據呢?好明顯這時期身體發育的壓力也構成好多要脫離現實的思想.建議你坐上去西貢的郊野巴士或到離島吹下海風好好把自己的處境檢討一下.問下自己:如果我集中精神在現時先學好中英文及一些科目.到外國攻讀大學不是更容易更好?当你在本地form 6取得好成绩你還有直昇大學的機會.你如目前起步.誰可否定你的將来呢?筆錢以後用豈不更有效?
在家千日好.出路半朝難.建議你認真檢討一下是否一定咁早就離家留學異國?