✔ 最佳答案
男同女鍾意人既表現都唔一樣
唔知你係屬於男方對女方
如果你係男既...
根據我經驗 女仔偷望你唔一定代表佢鍾意你
同埋根本上好難分得清個女仔係有意,,,定無意
有好多時候會錯意就係呢個時候
有時佢轉個頭明明想望其他野/人 但係見到你望到佢
禮貌上都會送你一個微笑
如果你係女既
男仔"時時"偷望你 其實佢好大機會係對你有興趣
但係呢個時候作為女仔既你 要好好分析一下
佢係對你"有好感"定係"有興趣"
前者姐係鍾意你 後者係想聊下你
就睇佢平時會唔會主動搵野同你傾計
明明無咩特別野講都好想是但/格硬搵野同你講
至於你話望左好耐,,,,我唔知你耐既定義係咩野
通常我望到一樣無興趣既野 1秒我都會想轉移視線
不過根據呢一點 我可以送你一句話
通常2個"不認識"既人對望多過5秒 就一定會有野發生
請問你既目標係你同學?同事?定係朋友? 定係D咩人?
你比既資料其實太少 我幫到既都唔會好多
其實真心鍾意一個人
就會千方百計令個個人留意到自己
會所一日到黑哄你開心 因為咁樣可以留個好印象
同埋留個屬於你地2個人既美好回憶
如果真心鍾意 佢會主動搵你 佢會關心你 緊張你對佢既睇法
有其他人埋你身 佢會緊張 佢會表現得唔自然
PS: 鍾意一個人既行為 每個人都唔一樣 我只係根據自己經驗幫你
希望比到你少少意見