我好鍾意佢,有咩方法追到佢 20點!!(長)

咁我同個女仔算係熟啦,平時有講有笑,佢算係open果d黎啦應該(因為佢同男仔玩唔介意有身體接觸)咁我已經鍾意左佢3年,但係佢仲有3年就去外國讀書,咁係21號佢就主動約我睇戲,佢平都會主動搵我,咁以下係我地睇戲前既WHATSAPP內容:A係佢 B係我
A:豬豬,我地聽日睇1:35好唔好?
B:OKOK
A:一齊食野?
B:你鍾意
A:去邊?
B:冇所謂
A:我想食左你
B:我唔好食嫁,唔信聽日比你咬啖,其實呢,咁樣算唔算約會?
A:算嫁
咁如是者到左22號,我地一齊食完野之後就去左戲院等開始,咁傾傾下佢主動翹住我隻手,1論痴纏後,我拖住佢隻手入去,佢冇乜拒絕既反應,都拖緊我,睇完之後我都照Keep住拖住佢,十指緊扣,好似真係人地情侶咁,咁反到屋企自不然同佢whatsapp,咁我就約左佢23號去圖書館,咁同甜言蜜語左一論之後,我以為自己得左啦,到左第2日,上就都冇乜野好地地,但下就我地走果陣我主動拖佢,佢甩開我隻手唔比我拖,於是我仲未知比咩反應就keep住行佢後面,我完全唔知點好我冇再講野,原因係我唔知點好,亦唔知講咩好,出到圖書館傾左一陣去邊後都係去番圖書館,番到圖書館又好似冇曬野咁,咁我諗住拖住佢行,佢都係唔肯,玩左一論之後,我地見到熟人,咁我地行左過去say hi(A係個女仔,B係我,C係熟人)
C:點解得你地2個係到既?
A:....
B:做功課囉,咁你呢?
C:冇啊,我等人,所以未黎圖書館hea住先
(咁我同a行開左之後,佢問我)
A:你覺得C知道之後會點?
B:知咩?我地一齊左?
A:係啊~你地問下佢啦
B:我去嫁啦,但係點問??
A:算啦,都係我去問
咁佢就行左C果到問
A:如果我同佢一齊左會唔會好怪?
C:唔會啊,做咩咁問?
A:冇啊
如是者我地同C傾左陣後,C走左,得番我同佢,然後又變番之前咁,冷漠...
咁番到屋企後我同佢WHATSAPP(A係佢,B係我)
B:豬豬啊,其實呢,你有咩都要同我講,如果唔係我會亂諗野
A:其實呢,你覺得我地係玩既拍拖定真係一齊左..?
B:一齊左囉.....其實呢你係唔係唔係認真...?
A:你唔好鍾意我啦,你會後悔嫁
B:其實我冇後悔過,又我拖住你果刻開始我就認真左...
A:遲D你會後悔嫁
B:一定唔會..
A:sorry,我唔想hurt到你,我好恐怖 恐怖到自己都驚
b:我唔驚...
a:我唔想傷害到你 但都唔想傷害到自己
b:講白d...
a:而對愛情唔認真既人先唔會被傷害到,sorry
b:唔洗sorry wor,我仇到你咁難堪係我講先岩,sorry啊..係我認真左..同埋我想同你講聲多謝多謝你琴日陪我,多謝你令我再去嘗試愛一個人,你同我都有過去,我明嫁
a:其實明知拍拖最後會受傷既係自己,點解仲要拍?認真果個永遠係最傷嫁,sorry我真係唔係有心傷害你 我唔識拒絕人 對唔住,可能因為我放唔低之前既野我知講幾多句sorry都補償唔到,我地可以係好close好close既fd,但係唔可以係情侶
b:其實多謝你比我體驗番拍拖既感覺
a:其實我地可以一直係咁
b:我驚我又會認真左,比時間大家冷靜下
a:好啦,唔好喊啊
b:對唔住,我做唔到唔喊
a:你知唔知其實我同你一齊果陣好開心嫁好甜好甜,所以你唔好喊 我會好內疚
b:真係試下都唔得?....
a:如果試既 到左大家都認真 最後受傷既只會係大家 所以你就當我自私 我唔想傷害到自己
講到哩到我就再冇whatsapp佢,到左第2日,佢同我講好似以前咁,叫我唔好再喊
唔知係唔係食錯藥,我又向佢表白(a係佢 b係我)
b:(表完白後)
a:我唔想講,乜你認為e個時候拍拖可以一直拍落去咩?可以到大個咩?
b:點解唔得?
a:會淡嫁
b:我堅信唔會
a:咁你就當我會
咁琴日同佢都有whatsapp,不過已經冇以前咁密,我可以點做,我真係唔可以冇左佢,我點先可以同佢一齊?究竟佢果幾日係已經同左我一齊?