✔ 最佳答案
7am既話...
如果你係聽日/後日出發既話, 最穩陣都係搭A12嗰班5點由藍灣半島既加班車.
之後, A12頭班車係5點半出發, 但係7點都只可以勉勉強強去到機場.
A12收費$45.
再唔係, 最穩陣就應該係搭城巴N8X (你一定要搭到4:45由藍灣半島開出班N8X)去到美麗閣落車, 原站轉乘A11 (頭班車5:10由北角碼頭 (美麗閣前一個站) 開出, 下一班5:30開出, 兩架7點前可以去到機場.)
收費: $6.3* + $40 = $46.3 (*N8X全程收費$9.4; 上、落車都拍卡先有$6.3分段收費)
你都可以試下搭N118去海底隧道收費廣場 (4:55嗰班會比較穩陣, 可能早咗少少, 但係5:15嗰班去到紅隧口就會好趕), 行去紅磡站搭西鐵 (頭班車5:53開) 去南昌, 轉東涌綫 (頭班車6:09開) 去東涌 (大約6點半到達), 喺B出口行去東涌站巴士總站搭6:40開出班S1, 去到客運大樓落車 (大約6:55到達, 但係仲要搭升降機上去).
收費: $13.4 + $18.2 + $3.5 = $35.1
P.S. 其實搭頭班788去中環轉機鐵, 或者尾兩班N118去紅磡轉西鐵轉東涌綫去青衣轉機鐵, 實際上會比以上方法穩陣好多, 不過機鐵比較貴, 而且你其中一個要求就係唔好太貴.