我就快考完DSE.....可能要面對失業同無家可歸.....

本來我已經回應左你 但係唔知點解頭先我禁確定 咩都無 話刪左唯有我再打多次。。。。。
我唔知你既係咩夢想 但係你堅持係一件好事
我支持你追夢想
但係呢我先講我屋企既例子
我阿妹 好中意畫畫 動漫 佢中學選修科好想揀視覺藝術
同係我阿媽覺得視覺藝術將來無出息唔比我阿妹揀 同佢填左生物同化學
我阿妹自己反學自己又改左 視覺藝術加化學
個陣我屋企噪到折天 我阿媽嬲到鬧人連帶粗口 我阿妹雖然好唔開心但都無駁咀 佢個陣堅持要讀
但係後來 佢太沉迷係畫畫到 中英通 無科好 視覺藝術唔突出 數學化學本來好好但懶 都係岩岩合格 我阿媽緊係更加嬲 鬧佢唔留面 講野好難聽 我老豆都好唔同意我阿妹 話佢成日對住d“公仔”無出息
我阿妹而家又唔聽人講 又懶 又唔温書 我地都好擔心佢將來

我同佢講過 你中意動漫 你中意畫畫 你想追夢想 得
但唔該你先要有收入 唔洗一定要多 幾千蚊 供到你食先啦 兼職都好 收入一定要有
你無收入 無生活費 唔好講夢想 你連生存都唔得 仲點追夢想？
有夢想 係一年非常好既事 我好贊成 但 一定要有基本生活先啦
當你有機會有把握 你就放手啦 去追完夢想 完成人生目標


我明白你父母點解會咁衰對你 因為佢地好想你放棄夢想
你都18 父母都有40以上啦
你要完成夢想 一定會有不時係無收入 對屋企一定有負擔
父母年紀咁大 好聽個句 唔想個仔大個將來無得食
自私一句 我咁老，仲要我養住佢餵佢食？我咁老，就尼無得食啦！
佢地咁對你 好既一面諗，為你 自私咁諗，為自己
講真 你自己都唔想老尼仲要養住仔女啦

2014-04-21 02:06:03 補充：
的確 現今青少年 自殺
都係外界比左好多壓力 佢地先會有咁既諗法
但係 真係唔要得
自殺 需要勇氣 但係 生存 米仲要更大勇氣？！
靜係追夢想咁長遠既目標 已經係一個要用好內既勇氣去面對去解決啦
佢地自殺 有部份都係想逃避
諗開d 父母唔愛我 我都要愛自己 去走走呢個世界 去享受呢個世界
我有夢想去追求 追完先死 唔係仲好咩？
我有朋友 佢父母都唔係好中意佢地 成日都想佢地快d出去做野 快d嫁出去 唔想比錢佢地
佢地雖然好唔開心 但係佢地愛自己 寧願自力更生 自己賺錢自己享受
識得愛惜自己 佢地無咩遠大目標 但係起碼活得快樂 有勇氣生存呀

2014-04-21 02:08:08 補充：
你仲有夢想添啦
雖然現實不容許你可以直接往夢想進發 但係你有追求
愛自己 為自己諗多d 唔好輕易放棄

2014-04-21 02:18:02 補充：
你如果仲想繼續留係你屋企既家 讓步係必然
搵兼職係必須
起碼比到你屋企人睇 你唔會係負擔
你頂唔順佢地既惡言批評 佢地既行為 你就離開啦
佢地唔接受你對夢想既一點渴求 你都唔好開心 一直都開解唔到
但係出到去就要咩都靠自己 兼職呀 一定要啦
Part time都有d係唔洗面對顧客既 例如廚房工 突發事出現 你都唔洗處理

父母唔支持 朋友唔體量 你都要相信你自己

2014-04-21 17:10:02 補充：
網絡 係大家其中一個發泄平台
樓主係講得岩
比屋企人無視 比人一直睇死 呢種感情係唔好受
係呢到打左咁多字 一尼發泄 一尼係希望有人可以比d意見
如果可以就咁解決 就唔會上尼打咁多野啦

人已經好失落好無助 仲講人地想博同情 呢句 等同落井下石

2014-04-21 17:54:07 補充：
無論係邊 學歷好 一定比較吃香
競爭大 梗係有張靚紙比較好
但你以為個個讀到書咩 讀唔到？下年再尼 再唔得 下年再下年
係重讀其間 已經造成屋企負擔 屋企人都係唔想負擔加重先會對自己咁衰
再講 重讀就可以上到大學咩 一年可以突飛猛進 拎到5反尼？
讀書係一條路 但係未必個個岩 自己唔中意讀書 讀更多都係無成效
If u want to be successful.It's just this simple .Know what u are doing .Love what u are dodoing and believe in what u are doing.

2014-04-21 17:59:03 補充：
所以 樓主有一個咁熱情 咁毅力既心去追求 係好難得
係香港已經係好少人會有
不過 無論係對你屋企人 或對你自己 有收入係要架
社會係現實 你想追求夢想 都要有生活根基先啦
對你自己都係好重要 你都要有體力去追架嘛

加油呀......支持你追夢!!!


Support u and please don't give up


Believe yourself:), and

U will be the best!!!!!!!!!!!!!!!


Add oil...add oil!!!!!!!!!!

我就快考完DSE.....可能要面對失業同無家可歸.....

https://hk.knowledge.yahoo.com/question/question?qid=7014040300018

回答者：Utouch ( 大學級 1 級 )
但其實如果先從事其他工作, 累積經驗及有穩定收入~
再提升自己的競能,
遲一些再去追求理想可以嗎??
畢竟你只是18歲, 要追求理想可以是一年、十年、甚至一輩子呢

你的答案是：不可以。

如果先從事其他工作...遲一些再去追求理想，真係覺得好痛苦，覺得咁落去隨時會屈到病？(跟據您內容推論,如果推論有出入,請修正)如果先從事其他工作...遲一些再去追求理想：不可以。

其實大家只係立場唔同，絕對無對錯之分!(跟據您內容推論,如果推論有出入,請修正)自問性格算自我中心, 好難接受有人否定我,我係不愉快既家庭長大, 性格難免會好偏激,我相信將來在外出的社會遇到不愉快,比家庭中機會高.
日後你會否更偏激?

講呢D說話根本係抹殺緊人既可能性,間接鼓勵人地放棄夢想...

最低限度, 回答者：Utouch ( 大學級 1 級 ) 我唔覺得有.



我也是此建議,
但其實如果先從事其他工作, 累積經驗及有穩定收入~
再提升自己的競能,
遲一些再去追求理想可以嗎?
我不想抹殺緊人既可能性,也不想間接鼓勵人地放棄夢想...







2014-04-22 14:13:33 補充：
最低限度, 回答者：Utouch ( 大學級 1 級 ) 我唔覺得沒有.抹殺緊人既可能性,間接鼓勵人地放棄夢想...

2014-04-22 14:14:30 補充：
最低限度, 回答者：Utouch ( 大學級 1 級 ) 我唔覺得有抹殺緊人既可能性,間接鼓勵人地放棄夢想...

更正

2014-04-28 09:04:00 補充：
讀書時期一直同自己講畢左業後要向夢想進發

我完全唔明點解唔可以接受簡工黎見!

諗起即使返PARTTIME都未必應付到,
自問自己性格內向/反應慢/唔醒目,
又擔心遇上突發事件或麻煩/搞事既客人會應付唔到....

我相信您真正煩惱，並非向夢想進發，擔心應付工作才是真正問題所在。

我希望我可以幫到你啦
你話讀書時期一直同自己講畢左業後要向夢想進發...
你話畢左業之後要向夢想進發,係呢方面真係付出左好多努力?
咁我想問你付出左幾多努力呢?追尋夢想一D都唔過份,
你話呢份夢想職業係你唯一最認真同值得努力既事,但係又已經冇晒動力?

其實我有同感,姐係好似你一直努力去追夢,好辛苦好辛苦想做到想做既工。
但係到最後衰左，又冇屋企人支持，唔支持仲要罵你同打你,趕走我...
講真,如果係我一定一早走左,因為我覺得我生出黎唔係比佢地罵囉,
係咪有精神病?有咩好罵,講真佢地點罵你,你咪點罵番佢地囉,跟住離家出走囉。
自己一個人出走為夢想努力工作搵錢,跟住去進修實現你所謂既夢想= =

夢想其實好簡單囉,你高學歷就得- -
回應標題: 我就快考完DSE.....可能要面對失業同無家可歸.....
無家可歸可以理解,但係失業...?講真你去m記咪得囉,至少唔會失業。
同埋你話就話要追夢,咁你why唔讀好書先黎夢?
考完DSE先黎自怨自艾又有咩用?
日日上yahoo睇人地比你既意見,又唔去做D實際行動。
你讀唔到書點追夢啊?白日

你話就算比任何人鬧/潑冷水/冇人支持我/覺得我做錯/話我唔成熟都唔會理?
咁你又話屋企人點點點...
你想點?
其實我唔明你講咩囉
仲有 DSE唔好咪重新黎一次囉,一次唔得咪二次囉
你讀唔到書,冇錢點去追夢?
同埋我好有興趣知你所謂既夢係咩?

我係屋企咪日日比人罵,罵咪罵囉,把口生係佢到= =
咪關埋門...自己溫書囉,一係就離家出走去朋友屋企啦,
你咁8日日留係屋企唔會開心啦,
因為你話已經就黎撐唔住,覺得自己隨時都會崩潰.....
其實冇人會可憐你囉,你呢種人就係一直咁想得到人地既同情,覺得你好慘。

其實你打咁多野出黎，係想得到人既同情，跟住同你講Ｄ好話。
咪傻啦,現實就係咁,你讀到書咪有前途夢想,讀唔到咪係一條咸魚囉。

其實你有咩夢想?唔好同我講你想做CY就得- -

我不清楚你的夢想是什麼,
我由小學到現在大學一直想讀的想做的行業是別人說痴人說夢
係自己能力不足, 家人不支持的情況下
因為無得選擇, 而又一定要讀大學
當中無一科是我想讀的, 因為與夢想無關
自己好討厭讀到經常喊但家人都冇體會過
其實, 如果自己真係有夢想
你畢完業打其他工,
再慢慢草錢去做你想做的事
如果真的是你的夢想, 你更應該不是那麼負面

同埋你家人的事...家家有本難念的經
佢地可能都有好大壓力
而且香港係一個咁大咁多競爭的地方
當你出黎做野之後你會發現
撐起一頭家真係好辛苦
話5定到時你同家人的關係會好點
我有個朋友都係
中學時同家人關係好差
成日都覺得屋企人5中2佢
但當佢開始工作之後
先發現其實5係屋企人5愛佢
只係佢剩係識得洗屋企人錢
又要埋怨屋企人, 先搞到咁
有時候話你打你
係想你認清現實
如果每個人都講夢想
咁可能好多工都會有人做
如果你有夢現, 請為自己的夢想
好好搵工, 就算人工低都5緊要
馬死落地行, 我覺得係會有回報的
我自己就算一邊讀緊書
都會做PART TIME草錢等畢業之後可以讀我想讀的科
人地點睇5重要, 最重要你自己有冇戈個心去做
時間會證明比你屋企人睇你5係冇用
只係佢地未發現