真係好驚公開講野

要不怕對人講野, 其實都需要時間去克服。
似乎你有時候都唔會真係太驚...有時你都可以好好表達自己的意見...
但偏偏到開會的時候...就會變得緊張~~或者可能有以下原因~

1) 擔心自己講錯野
通常呢個係反映「自信」, 如果對自己冇信心~
就會驚自己講錯野~~~
不過上司叫得你地比自己的意見~~其實「意見」就未必只會分對與錯~
因為每個人的睇法都唔同~~佢肯聽員工的意見~其實都係一個開明的表現~
只要你唔怕錯~~~有信心表達自己的意見~
或者平時做多d功課~~留意下行業內的事~~開會前做定準備功夫~
咁就可以多d信心去開會了~

2) 擔心同人比較
因為怕自己不及別人~~或者怕俾人笑...就會令自己更緊張!!!
其實每個人的優點都唔同~~~今次可以A同學的意見最好~
但唔代表B同事的意見係冇用~~~可能下次會取用B同事的意見呢~
只要心入面諗住大家開會都係為公司好~~唔係想比較D咩~~
你一齊開得會~~就係公司的一份子~~
如果公司冇你的位置~~覺得你唔夠叻~~就唔會請你啦~~
所以都唔好覺得自己唔夠其他人叻~~~因為每個人都有自己的優點呢~

3) 留意自己的緊張訊號
有D人緊張會肚痛、面紅、流汗etc~~
你留意到自己如果緊張~~就試下分散注意力~~放鬆一下~~
因為若果太緊張~~有機會令你講野出現「口吃」或者「講得勁快」的情況~~
深呼吸、飲淡水、
搵張紙記低d point~到你講意見的時候~~
用少少技巧...「第一: 我覺得xxxxx ; 第二: 我認為...........同埋我都同意同事C的睇法」
咁樣你可以有組織咁去表達~~同埋整理好先講~~
咁你可能會冇咁緊張呢~!!!!

最後~其實以上文字唔係要分點做一定對~點做一定錯~~
反而呢個係你個人成長的機會~~要克服一定要時間、勇氣、反覆練習~~~
比D信心自己~~即使真係表達能力不夠強~
但你一定會有其他的強項值得欣賞的~!!!

希望你工作順利~
祝福你~

要面對眾目睽睽之下發表自己的意見,實行起來確實並非容易的事。據了解,凡是愈恐懼就愈要藉此鍛鍊自己的膽量,聽聞說要克服該弱點就要事先或常常從事下的練習和訓練:
(1) 每天早晨面對鏡子發表自己意見,並且儘量注意說話時的表達能力和說服力;
(2) 預先對有關開會的資料及報告熟稔和記憶在心裡,以便隨機應變發表自己的意見;
(3) 當發表意見的時間要平心靜氣,最好能夠將該意見分大綱,次序及步驟來進行;切莫胡言亂語漫無目的。

1) 要有準備
演講詞

2) 當然要講得有趣,
人先有心機聽你TALK

3) 就算驚都要有笑容

我最初都係咁, 我讀大專和參加比賽時, 又係要成日present。
其實好少人天生就可面對群眾講野, 我見d同學仔都窘態百出:有d講野好細聲;有d講野手震得超勁;有d緊張到肚痛冒汗;有d係咁「呃...呃...」講唔出野

但幾年後大家都特登練過來, 練既方法都係present多d, 習慣面對人群咁。

我問過我阿sir, 問佢點克服在咁多人面前講野, 佢話「當d聽眾係生菜蘿蔔」。
又有d人會望向群眾時係望到最後, 當前面無人。

我自己就係令自己放鬆d, 唔好驚, 其實驚咩呢?驚人之嘛。(我自己係驚人)
但其實無咩好驚, 你只要深呼吸, 暗示下自己呢d情況好普通, 當係家常便飯。
提下自己d人同你係一樣, 無唔同的, 唔係特別精明,就無咩好驚喇!

p.s. 1.緩慢的深呼吸可幫你放鬆落來。 2.愈係驚愈係要多d講, 講多d, 培養成習慣, 變成大演說家XD!

2014-04-17 11:25:52 補充：
開會都係可以試下以上方法的。
不過有點好重要, 就係你要先明白自己個「驚」既原因係乜, 先可對症下藥。
俾幾個可能性你參考下(我唔係專業人性, 都係估下而已)
1.諗唔到idea
2.怕「於」
3.驚人
無論係邊個原因都好, 仲有一樣就係你要學識令自己放鬆, 乜方法都好你都要試下, 飲杯熱野, 深呼吸, 望下風景, 諗下d好玩野, 睇下笑話...個個人都唔同, 你要試多d~

其實衣個個你自信有關.我以前做學生會都會好似你咁.但係做耐左講慣左就會無問題~你可以試下講之前係個心到同自己present 下等陣要講既野 OR 準備好D 要講既野.就會改善到你既問題.


PS.有人係天生就係講野有自信