身分混淆(想做乖女但又..)

其實你已經係乖女~照顧自己學業, 又關心母親的感受, 值得欣賞。
正如可能之前你比較少時間同母親相處, 所以佢最近見到你, 就好需要你,
你都可以講返比佢知~其實你都好擔心佢~
不過現階段你要花時間溫習~應付好重要的考試~~
平時就食完飯果半個鐘可以陪佢傾下計~等佢唔好諗埋一邊。

當然~其實考試期間~你都可以試下搵少少時間休息~~
例如當去公園散步、去行一陣街~~一方面可以陪媽咪~另一方面又可以減壓~
始終日日長時間溫書都會好大壓力的~~

至於母親方面, 除左陪佢傾計~~都可以嘗試擴闊佢的社交圈子~~
睇下有冇咩興趣班~或者婦女組織~~等媽咪可以學下野~唔好咁悶~
又可以等佢識新朋友~~建立到友誼就可以搵佢地傾訴~~
畢竟你入左大學之後~~佢又係一個人....遲D你結婚...佢又係一個人~~
不過長遠下去~~都唔好只係得你同媽咪FRD~~
否則爸爸會覺得你地兩個同一陣線~佢會覺得自己融入唔到ga!!!!
考完試~不如試下一家人出去散心啦~~~

祝福你和你的家人。

你母親可能是太寂寞，想和你傾訴，但又因要考試不知如何開口拒絕？
1.可以考慮提供一些你母親有興趣的活動給她，使她不會以你為單一傾訴對象。擴大她的生活圈子。
2.可以在你溫書前預先通知。如就要入房溫書先問你媽媽有沒有事，如沒有你要溫書。相信你母親不會阻礙你溫書。
3.在她面前談及DSE的重要。令她明白你對考試的重視。
語言、語氣要盡量溫婉，但也要堅決。

我系你既話我會客氣d同佢講：吾好意思阿溫緊書 一系溫完之後再傾啦
溫完書之後休息時間都可以坐佢隔離撩佢講下野
佢想叫你陪佢去邊去邊 你還店吾系全日溫書架嘛
甘戈d時間咪可以陪下佢 / 同佢講等dse完左再日日出
作為媽咪佢一定會支持既

佢只想要爭取機會同妳溝通,

妳媽咪打擾妳讀書; 原因好簡單, 因為佢好想同妳傾計, 但係又唔知妳會唔會隨時出街, 隨時唔見人, 所以佢要爭取機會同妳溝通, 佢一有時間或想起就會走嚟同妳傾, 以妳立場就變成打擾. 解決方法好簡單, 只要妳話佢知; 妳現在正準備考試, 時間表好忙, 但一樣有時間同佢傾, 妳要預留一個時段比佢, 而且話明係邊一個時間, 當佢知道妳有指定時間同佢傾; 佢就唔會無時無刻走嚟打擾妳.

2014-04-16 22:04:44 補充：
呢啲係講嘢嘅技巧, 當然唔係叫妳媽咪同妳預約時間傾計, 妳可以同佢講 "媽咪, 我呢排要考試; 將會好忙, 邊段邊段時間要專心溫習功課, 唔想有任何打擾, 不過飯後可以幫手做吓家務, 傾吓計, 當做減壓". 將傾計重心轉移到自己身上, 佢就唔會覺得怪. 時間一到就講笑話, "我要溫習功課, 全世界唔好入嚟打擾我, 要專心..." 希望佢會明白妳真係需要溫習; 在溫習期間唔入嚟打擾妳嘅時間表.

2014-04-16 22:09:01 補充：
如果佢真係入嚟想同妳傾計, 妳就可以直接同佢講 "媽咪, 我而家好唔惦, 要趕住溫書, 不過一陣可以出嚟同妳傾計", 妳冇拒絕比時間佢, 佢多數會接受, 暫時行開, 做父母都想子女專心溫習.

我相信呢個方案行得通.