之前發帖講過中意既一個女仔去左外國exchange，然後我地生活中都冇講過野，我add左佢facebook，聽大家講甘同佢facebook傾下計。個女仔都ok既，我有問必答，不過都唔會特別問我野，有陣時講起有d野佢會打好多字，有陣時就一兩個字甘覆，我唔知好唔好成日chur佢好，覺得如果佢對你冇意思既，你甘樣做只會增加佢反感。琴日同佢傾，我講好多，佢就覆normal，normal甘，有可能佢覺得我幾煩，後黎我話去做野了，佢都冇咩byebye或者點，我好唔好繼續搵佢傾計？？我覺得佢都feel到我對佢有意思，不過我覺得佢係好正經既女仔，越界既野我都唔會講......唉，現實生活冇講過野都難好多，人地當左你有企圖咩都難......更加唔會話約到佢出黎.......我係咪應該放棄？我後黎仲去睇星座d野，佢係山羊座，d人話山羊座女仔唔中意你就唔中意你，點追都冇用......我應該點？我如果要見到佢，起碼要下學期，即係9月了，中間唔同佢講野又唔係，宜家講野又好似好odd....
哩個係上一次提問既，甘宜家其實同個女仔都傾得幾好，我有關心下佢，佢應該會感覺到我對佢有意思，不過佢好似從來都唔like我d野，我搵佢佢都會覆我，唔會係敷衍個種，佢好少問我既野，不過佢會同我講下佢自己既野，我地會交流下意見甘，佢cool cool地甘，好似忽冷忽熱，唔知係佢本身性格甘，定係對我無興趣......我想等佢exchange翻黎之後約佢出黎，當然中間都仲有段時間，唔知得唔得呢？真係好唔知佢諗咩，佢好似係個d心思好深既女仔，唔容易表露自己感情...
請問佢會唔會對我有d意思？
2014-04-13 12:15 am
回答 (2)
2014-04-13 5:22 am
✔ 最佳答案
哈哈,少年,你約佢啦,機會難逄,如果佢應約,咁你就做好D,比佢一個難忘既日子,比佢認為同你一起既時候會開心,加分呀~佢唔中意你,你可以加左分,可能之後再諗,但如果佢中意你,咁你就識做啦~佢中唔中意你,根本唔係一個問題,中意你,佢未必會表白,但唔中意你,都唔會去到討厭你啦,如果真係,佢又點會覆你,就算佢估到又如何?你當佢估唔到,如果你想,比D暗示佢LA,以朋友既身份係佢身邊都唔錯,RIGHT?
提番,如果你約到佢,唔好安排D 行街睇戲食飯呢D情侶野,呢D野,佢交到男友都做到啦,有咩意思?仲要你唔係佢男友?減分了~
最好呢,就特別D,你都可以老套D約佢去做下義工果D,不過當然前提係你要知道佢會唔會中意,到時表現好D,細心D,加分就係咁簡單
再唔係,你可以投其所好,如果佢中意SPORT,你咪約佢去做運動,前提係,你要有毅力,唔比佢叻都好,都要有毅力!
如果佢中意睇書咪書展LOR,你就算根本唔開呢飯,你可以話想見識下,到時你都可以問下佢中唔中意~
如果佢拒絕同你出去,你唔好放棄,一直用朋友身份,但變相你就唔可以太進取,可能佢會覺得你煩-.-
我係女的,希望幫到你
少年,加油呀,美人歸你不,就要自己努力
不過提一提,令自己多"墨水"D,內涵,外表既你整齊好了,唔好太花巧同賣弄,你唔係女生
以上都係我個人意見~
2014-04-13 20:45:09 補充：
咁得LA
幸福你自己增取~
2014-04-13 6:30 pm
你地沒有緣份, 咪星座都死啦!
收錄日期: 2021-04-16 16:29:35
原文連結 [永久失效]:
https://hk.answers.yahoo.com/question/index?qid=20140412000051KK00088