我一時衝動和男友分手，該怎麼挽回？

兩星期前，我同男友提出分手，我話覺得對佢嚟講我可有可無
但事實係我個陣好無安全，因為我同佢一齊咗一個月多少少
當時我覺得佢心入面個個唔係我，而係佢前度
而後來我分手之後先肯定到佢心入面個個其實係我
所以我就覺得係我一時衝動先講分手同埋極度後悔同內疚

分手係經 whatsapp,
當日，佢話即使佢氹翻我都無用,
佢話，我將來都會覺得佢愈來愈唔重視呢段感情，會有第二次講分手
之後，我隔咗幾個鐘就後悔,話我其實唔係真係想分手
就問可唔可以俾多次機會我地,但係之後佢就無再覆
分手後第一個星期
(期間佢有係FACEBOOK打話好攰，好掛住我，但個晚我唔知佢指個個係我，我仲以為係佢前度，所以無搵佢)
之後我都有再whatsapp佢問佢可唔可以俾多次機會我
仲講咗好多關於我自己對佢之前嘅態度嘅睇法，仲有錄音話我好掛住佢 (佢都有聽)
但佢無覆過我
宜家已經係第二個星期
我每朝瞓醒都會諗起佢，做做下功課會諗起佢，溫溫下書又會諗起佢
有時會諗起同佢一齊做過嘅嘢，之後就諗如果無分手就會點點點
我個心真係覺得好難受，好想搵佢話佢知我諗咩
但佢都唔會覆，所以我唔敢成日whatsapp佢，驚佢覺得我煩

我真係好想同翻佢一齊，但我D朋友都話如果佢有心同我一齊就會主動搵我
但我又好驚佢係個種即使好鍾意但都會選擇放手嘅人(即係唔會復合個種人)
我又諗不如俾一個月時間佢，隔離一下大家，
習慣一下無咗大家嘅個種感覺，但我又好驚會漸漸無咗鍾意我嘅感覺而同佢翻唔到轉頭

對於我分手嘅決定，佢立場係，尊重我嘅決定，寧願做朋友都唔想傷害我
我真係好想知佢到底點諗(大概)，點解我whatsapp佢，佢都唔理我，
我想知我同佢到底有無機會復合?