又係啲愛情煩惱

是咁的
最近番學放學
有時都會見到啲師妹
佢就大概細我三年左右
因為學校迎新活動我地呢啲高form要去搞活動比啲低form新入黎嘅挽
而佢就係我個組嘅
但係活動嘅時候我地都冇咩講過野
可能佢怕醜啦
我撩佢講野佢都唔講
之後佢就好耐冇參加活動啦
直到呢幾日放學
我係到等朋友嘅時候
望到佢望住我
當個視線互相接觸嘅時候佢就轉頭
當然我都係啦
然後我再望一望
佢又係繼續望住我
之後我就一直斜視咁望過去睇下佢有冇望住我啦
我等左成五分鐘
佢就望足五分鐘
但係我一望過去佢就轉頭
然後今日聽講座嘅時候
佢地班就坐喺我個班嘅左邊啦
我一望過去
佢就冇望住我
之後過左一陣望過去
佢又望住我
然後喺個講座持續期間我都身痕咁望過去睇下佢有冇望住我
基本上次次佢都望過黎
然後個講座完咗之後出去嘅時候佢係我附近
我望一望佢
點知佢又係到望住我
因為距離太近加上唔知點解我地就即刻轉頭啦
之後番到屋企之後
諗住係面書揾下睇下揾唔揾到佢
點知加咗成百個FD都揾唔到佢
之後就諗住廢事理啦
然後食個飯番黎就見到佢ADD我做佢好友
搞到依家唔知點好...
有少少想識佢
但係又唔知應該點樣入手
有冇高人可以教下？