✔ 最佳答案
我都讀到考緊Dse 又係band1英中 就分享下
老老實實 "勁要變廢好易 但頹要變返好係好難"
首先你自己認為自己問題係邊?
係醒目但唔勤力(自我控制能力弱)
定係已經好勤力都覺得考得唔好?
如果係前者 (懶)
Timetable未必有用
咁我覺得你應該搵下問題根源
例如成日用手機? 太多課外活動? 放學成日hea?
以上三個問題我都試過哈哈
所以呢
1) 我考試/重要時候會自己交部電話比阿媽 做完野先用(心理上都絛咁guilty) 咁樣我真係可以專心到 而且可以做到早訓 要明白有時攰可能係骨牌效應(即係今日唔夠訓聽日又冇精神日日如是)
2) 課外活動的確要取捨 真係要按自己能力 人人體力(包括精神)都唔同 有D人係放學已經好攰 有D人放學練樂團再練埋波都唔會攰 你都讀左三年可以自己摸索吓
唔好覺得timetable一定掂 人人唔同既
整左timetable跟唔到咪又係冇用
懶唔係問題 但要清清楚楚知道自己應該幾時做完咩野 適當時候爆seed就OK
如果真係太fix住自己個時間 有D人係會適應唔到 而且有時候可能會有特發功課/事件/約會
如果係後者 (勤力都徒勞無功)
嗯...首先唔好覺得repeat係壞事
我都目睹過同學repeat之後得到重生哈哈
repeat可以當一個重整/抖一抖既時間
唔洗覺得樣衰 因為你係有能力做得比他人好!!
不過 你都仲有一兩個月就考試啦
唔好咁快就驚repeat
快D睇吓點catch up仲實際啊
讀書方面
其實每科讀既方法真係唔同
例如英文啦
睇書/聽英文歌其實係唔錯(偷D英文句子pattern) 算係輕輕鬆鬆學英文xd
我又有個習慣 會問吓其他校外朋友借人地學校D文集 始終都係啱返自己個年紀/能力 學都易D
又例如Physics
比較似數學 唔會出得太奇怪 最多係諗唔到點計啫~
所以做多D練習 見多D題型係幾好 又會做快D
又例如Bio
我本身都廢廢地
係溫左書架 但咪又係低分-_-
所以 我搵到個問題喺邊 就係自己答唔中個point
咪又係溫marking scheme囉~
仲有另一樣野 當我分享下(唔係好野-_-)
中西史呢家野... 我向來背野好廢 兩日已經唔記得
不過永遠到緊急時候都會記得好D (例如考歷史前一日)
咁我覺得有兩個最正的選擇
1) 可以唔洗咁早溫 有時間不如去訓飽佢 醒醒個腦袋 然後到最後一日 閉關爆seed (我係用呢招) 但你要確保自己到呢個moment係夠時間溫啊~
2) 辛苦少少 背多幾次 好似聽歌咁 聽幾次會不由自主記到D歌詞
至於數學 科學呢D比較需要理解既
我係會即堂清既 有咩唔明即日一定要搞掂佢
積埋好大鑊
再真係唔掂 去補吓習 !!! (雖然我冇補過但我有睇過同學D notes) 有D雞精真係掂既
請珍惜讀中學既光陰 >_< 生活多采多姿架 盡力攞個平衡 !! 希望幫到你:)
有問題再問我 :)